കോഴിക്കോടും സ്ഥിതി ഗുരുതരം; ട്രിപ്പിൾ ലോക്ക്ഡൗണിന് സാധ്യത

കോഴിക്കോട് : ജില്ലയിൽ കോവിഡ് വ്യാപനം ഗുരുതരമെന്ന് റിപ്പോർട്ടുകൾ . കോഴിക്കോട്ടെ ഒരു ഫ്ലാറ്റ് സമുച്ചയവുമായി ബന്ധമുള്ള 12 പേർക്ക് രോഗ ബാധ സ്ഥിരീകരിച്ചിരുന്നു. ഇതേ തുടർന്ന്, കർശന നടപടിയെടുക്കാനൊരുങ്ങി അധികൃതർ . കോവിഡ് പ്രോട്ടോകോൾ പാലിക്കാത്തതാണ് ഇവർക്ക് രോഗം സ്ഥിരീകരിച്ചതെന്ന് കോർപ്പറേഷൻ അധികൃതർ അറിയിച്ചു .

മാസ്ക് ധരിച്ചും കൈ കഴുകിയുമെല്ലാം പൊതു ഇടങ്ങളിൽ കോവിഡ് മാനദണ്ഡങ്ങൾ പാലിക്കുന്നവർ പോലും ഫ്ലാറ്റുകളിലെത്തുമ്പോൾ എല്ലാം മറക്കുന്നതായാണ് കണ്ടെത്തൽ. ഇതേ തുടർന്ന് ഉറവിടം അറിയാതെ കേസുകൾ സ്ഥിരീകരിക്കുന്നത് അധികൃതരെ ആശങ്കയിലാഴ്ത്തുകയാണ് .

അതേസമയം, ഫ്ളാറ്റിലുളളവർ പുറത്തുപോയി വരുമ്പോൾ അണു വിമുക്തി നടത്തുന്നതിനുള്ള സജ്ജീകരണം അസോസിയേഷൻ ചെയ്യണമെന്ന് നിർദേശം നൽകി . തുടർച്ചയായി യാത്രകൾ ചെയ്യുന്നവർ ഉണ്ടെങ്കിൽ അവരെ പ്രത്യേകം നിരീക്ഷിക്കണമെന്നും അധികൃതർ വ്യക്തമാക്കി . യാതൊരുകാരണവശാലും ഫ്ലാറ്റുകളിൽ കൂടിച്ചേരലുകൾ അനുവദിക്കരുതെന്നും നിർദ്ദേശത്തിൽ പറയുന്നു