ട്വിറ്റർ “ടിറ്റർ” ആയി;പക്ഷിക്ക് പിന്നാലെ ഡബ്ല്യുവും എടുത്തുകളഞ്ഞു ഇലോൺ മസ്ക്

കുറച്ചു ദിവസങ്ങൾക്ക് മുൻപാണ് ഇലോൺ മസ്ക് ട്വിറ്ററിലെ ബ്ലൂ ബേർഡിനെ മാറ്റിയത്. അതിനു പിന്നാലെ ഇപ്പോൾ അടുത്ത നീക്കവുമായി എത്തിയിരിക്കുകയാണ് ഇലോൺ മസ്ക്. ഇത്തവണ അനൗപചാരികമായി ബ്രാൻഡ് പുനർനാമകരണമാണ് ഇലോൺ മസ്ക് ചെയ്തിരിക്കുന്നത്. പുറത്തുവരുന്ന റിപ്പോർട്ടുകൾ പ്രകാരം ട്വിറ്റർ എന്ന ഇംഗ്ലീഷിൽ എഴുതിയ ബോർഡിൽ നിന്നും ‘ഡബ്ല്യു’ എന്ന ഇംഗ്ലീഷ് അക്ഷരം എടുത്ത് മാറ്റുകയാണ് ഇലോൺ മസ്ക് ചെയ്തിരിക്കുന്നത്.

ട്വിറ്ററിന്റെ സാൻ ഫ്രാൻസിസ്കോ ആസ്ഥാനത്തെ ഓഫീസിന് മുകളിലുള്ള ബോർഡിൽ നിന്നാണ് ഡബ്ല്യു എന്ന അക്ഷരം എടുത്ത് മാറ്റിയിരിക്കുന്നത്. ഡബ്ല്യു എന്ന അക്ഷരം എടുത്തു മാറ്റിയതോടെ ട്വിറ്റർ എന്ന പേരിനു പകരം ടിറ്റർ എന്നാണ് വായിക്കുന്നത്. ഇതിനെതിരെ നിരവധിപേരാണ് വിമർശനവുമായി ഇപ്പോൾ രംഗത്തെത്തിയിരിക്കുന്നത്.