കൊച്ചിയിൽ എട്ടു വയസ്സുകാരിയെ പീഡിപ്പിച്ച കേസിൽ രണ്ട് ഇതര സംസ്ഥാന പ്രതികൾ അറസ്റ്റിലായി

കൊച്ചി: എട്ടു വയസ്സുകാരിയെ പീഡിപ്പിച്ച കേസിൽ രണ്ട് ഇതര സംസ്ഥാന പ്രതികൾ അറസ്റ്റിലായി.പശ്ചിമ ബംഗാൾ സ്വദേശി മാണിക് ലാൽ ദാസ് ,ഒഡീഷ സ്വദേശി അക്ഷയ് കരുൺ എന്നിവരാണ് അറസ്റ്റിലായത്.എറണാകുളം സൗത്ത് പോലീസ് സ്റ്റേഷൻ പരിധിയിലാണ് സംഭവം.

അറസ്റ്റിലായ മാണിക് ലാൽ ദാസ് പെൺകുട്ടിയുടെ ബന്ധു കൂടിയാണ്. മദ്യ ലഹരിയിലെത്തിയ ഇയാൾ പെൺകുട്ടിയെ ദേഹോപദ്രവം ഏൽപ്പിക്കാറുണ്ടായിരുന്നു.സ്‌കൂളിൽ വച്ച് കൗൺസിലിംഗിന് വിധേയമാക്കിയപ്പോഴാണ് ദേഹോപദ്രവത്തിന്റെയും തുടർന്നുള്ള പീഡനത്തിന്റെയും വിവരങ്ങൾ കുട്ടി വെളിപ്പെടുത്തിയത്.തുടർന്ന് സ്കൂൾ അധികൃതർ പോലീസിലും CWC യിലും വിവരം അറിയിക്കുകയായിരുന്നു.തുടർന്നാണ് പോലീസ് കേസെടുത്ത് അന്വേഷണം നടത്തി പ്രതികളെ കസ്റ്റഡിയിലെടുത്തത്.പെൺകുട്ടിയുടെ മാതാപിതാക്കൾ നേരത്തെ മരണപ്പെട്ടിരുന്നു.മാതൃ സഹോദരിയോടൊപ്പമായിരുന്നു താമസം.