ഒടുങ്ങാത്ത പ്രണയപ്പക!;വിവാഹം കഴിക്കാൻ വിസമ്മതിച്ച യുവതിയെ 49 തവണ കുത്തി കൊലപ്പെടുത്തി; കാമുകൻ അറസ്റ്റിൽ

ഭുവനേശ്വർ:വിവാഹം കഴിക്കാൻ വിസമ്മതിച്ച യുവതിയെ ക്രൂരമായി കൊലപ്പെടുത്തി യുവാവ്.
ഭുവനേശ്വറിൽ നിന്നും ഗുജറാത്തിലെ സൂറത്തിലെത്തിച്ച ശേഷം യുവതകിയെ 49 തവണ കുത്തിയാണ് കൊലപ്പെടുത്തിയത്.സംഭവത്തിൽ ഭുവനേശ്വർ സ്വദേശിയായ ജഗ്നാഥ് ഗോഡയെ പോലീസ് അറസ്റ്റ് ചെയ്തു.

ഇരുവരും ഏറെ നാളായി പ്രണയത്തിലായിരുന്നു. വിവാഹ കാര്യത്തെ കുറിച്ച് പറയുമ്പോൾ യുവതി ഒഴിഞ്ഞുമാറുന്നത് പതിവാക്കിയിരുന്നു. ഇതിൽ പ്രകോപിതനായാണ് യുവാവ് കാമുകിയെ കൊലപ്പെടുത്തിയത്. നഗരം ചുറ്റിക്കാമെന്ന് പറഞ്ഞാണ് യുവതിയെ വീട്ടിൽ നിന്ന് കൊണ്ട് പോയത്. തുടർന്ന് സൂറത്തിലെത്തിച്ച് 49 തവണ കുത്തി കൊലപ്പെടുത്തുകയായിരുന്നു. ഇതിന് പിന്നാലെ മൃതദേഹം ഇയാൾ കുറ്റികാട്ടിൽ ഉപേക്ഷിച്ചു.

വിജനമായ പ്രദേശത്ത് മൃതദേഹം കണ്ടെത്തിയതിനെ തുടർന്ന് പ്രദേശവാസികൾ പോലീസിൽ അറിയിച്ചിരുന്നു. തുടർന്ന് പോലീസ് അന്വേഷണം ആരംഭിച്ചു. സിസിടിവി കേന്ദ്രീകരിച്ച് നടത്തിയ പരിശോധനയിലാണ് ഗോഡ അറസ്റ്റിലാകുന്നത്. ഭുവനേശ്വറിൽ നിന്നാണ് ഇയാൾ പിടിയിലാകുന്നത്. കേസിൽ അന്വേഷണം പുരോഗമിക്കുന്നതായി പോലീസ് വ്യക്തമാക്കി. കൊലപാതകത്തിൽ മറ്റാർക്കെങ്കിലും പങ്കുണ്ടോയെന്ന് സംബന്ധിച്ചും അന്വേഷണം നടത്തുമെന്ന് അന്വേഷണ സംഘം അറിയിച്ചു.