ഒരു രാജ്യം ഒരു തെരഞ്ഞെടുപ്പ് !വിമർശനത്തിന് മുതിർന്ന മല്ലികാർജുൻ ഖാർ​ഗെയ്ക്ക് ചുട്ട മറുപടിയുമായി കേന്ദ്രമന്ത്രി അശ്വിനി വൈഷ്ണവ്

ഒരു രാജ്യം ഒരു തെരഞ്ഞെടുപ്പ് നയം അപ്രായോ​ഗികമെന്നഭിപ്രായപ്പെട്ട കോൺ​ഗ്രസ് അദ്ധ്യക്ഷൻ മല്ലികാർജുൻ ഖാർ​ഗെയ്‌ക്കെതിരെ തുറന്നടിച്ച് കേന്ദ്രമന്ത്രി അശ്വിനി വൈഷ്ണവ് രം​ഗത്ത്. നയവുമായി ബന്ധപ്പെട്ട കൂടിയാലോചന പ്രക്രിയയിൽ പങ്കെടുത്ത 80 ശതമാനത്തിലധികം പേരും നയത്തെ അനുകൂലിച്ചതിൽ പ്രതിപക്ഷത്തിന് സമ്മർദമുണ്ടായേക്കാമെന്നും നയത്തെ യുവാക്കൾ പ്രത്യേകിച്ച് വളരെയധികം അനുകൂലിക്കുന്നുണ്ടെന്നും അശ്വിനി വൈഷ്ണവ് വ്യക്തമാക്കി.

ഇന്ത്യയിൽ ജനാധിപത്യം നിലനിൽക്കണമെങ്കിൽ ആവശ്യാനുസരണം തിരഞ്ഞെടുപ്പ് നടത്തണമെന്നായിരുന്നു ഖാർ​ഗെയുടെ അഭിപ്രായം.

ഒരു രാജ്യം ഒരു തെരഞ്ഞെടുപ്പിൽ രാം നാഥ് കോവിന്ദ് റിപ്പോർട്ട് ഇന്നാണ് കേന്ദ്രമന്ത്രി സഭ അംഗീകാരം നൽകിയത്. മാർച്ചിൽ സമർപ്പിച്ച റിപ്പോർട്ടിനാണ് ഇപ്പോൾ അംഗീകാരം ലഭിച്ചത് .രാജ്യത്തെ എല്ലാ തിരഞ്ഞെടുപ്പും ഒരുമിച്ചാക്കുന്നതിനാണ് ഇതോടെ തീരുമാനമായത്.ലോക്‌സഭ, നിയമസഭ, തദ്ദേശ തെരഞ്ഞെടുപ്പുകൾ ഒരുമിച്ച്‌ നടപ്പാക്കാൻ ലക്ഷ്യമിട്ട്‌ കേന്ദ്രം നിയമിച്ച രാംനാഥ്‌ കോവിന്ദ്‌ സമിതി 2029ൽ ഒറ്റ തെരഞ്ഞെടുപ്പ് ആവാമെന്നാണ് ശുപാർശ നൽകിയിരുന്നു .