ഉപയോക്താക്കൾ ഇനി പ്രൊഫൈൽ ഫോട്ടോകൾ തെരഞ്ഞെടുക്കില്ല ! പകരം നിർമ്മിക്കും !! പുത്തൻ AI അപ്ഡേറ്റ് അവതരിപ്പിക്കാനൊരുങ്ങി വാട്ട്സ്ആപ്പ്

ഉപയോക്താക്കൾക്ക് പ്രൊഫൈൽ ഫോട്ടോകൾ AI സാങ്കേതിക വിദ്യയുടെ സഹായത്തോടെ തയ്യാറാക്കാൻ സഹായിക്കുന്ന ഫീച്ചർ കൊണ്ടുവരാൻ വാട്ട്സ്ആപ്പ് ഒരുങ്ങുന്നതായി റിപ്പോർട്ട്.
ഇതിലൂടെ ഉപയോക്താക്കൾക്ക് അവരുടെ വ്യക്തിത്വം, താൽപ്പര്യങ്ങൾ, മാനസികാവസ്ഥ എന്നിവ സാധാരണ ഫോട്ടോയേക്കാൾ കൃത്യമായി പ്രതിഫലിപ്പിക്കുന്ന തരത്തിലുള്ള ചിത്രങ്ങൾ സൃഷ്ടിക്കാൻ കഴിയും എന്നാണ് കമ്പനി അവകാശപ്പെടുന്നത്. നിലവിൽ വികസിപ്പിച്ചുകൊണ്ടിരിക്കുന്ന ഈ ഫീച്ചർ ഉടൻ തന്നെ ലഭ്യമാകും എന്നാണ് റിപ്പോർട്ട്.

ഈ ഫീച്ചർ ഉപയോഗിക്കുന്നതിലൂടെ ഉപഭോക്താക്കൾക്ക് തങ്ങളുടെ പ്രൊഫൈലിൻ്റെ സ്വകാര്യത ഉറപ്പാക്കാനും സാധിക്കും . AI- ജനറേറ്റഡ് ഇമേജുകൾ ഉപയോഗിക്കുന്നതിലൂടെ, ഉപയോക്താക്കൾക്ക് യഥാർത്ഥ ഫോട്ടോകൾ പങ്കിടുന്നത് ഒഴിവാക്കാൻ കഴിയും, ഇത് അവരുടെ ചിത്രങ്ങൾ ദുരുപയോഗം ചെയ്യുന്നതും തടയുകയും അവ അനധികൃതമായി ഷെയർ ചെയ്യപ്പെടാനുള്ള സാധ്യത കുറയ്ക്കും ചെയ്യും ,

കൂടാതെ, ഏത് ഫോട്ടോയാണ് ഉപയോഗിക്കേണ്ടതെന്ന് ഉപയോക്താക്കൾക്ക് ഉറപ്പില്ലാത്ത സാഹചര്യങ്ങളിലും ഈ ഫീച്ചർ ഉപയോഗപ്രദമാകും. മികച്ച ചിത്രം തിരയുന്നതിനോ എടുക്കുന്നതിനോ സമയം ചെലവഴിക്കുന്നതിനുപകരം, ഒരു വിവരണം നൽകിക്കൊണ്ട് ഉപയോക്താക്കൾക്ക് ഒന്ന് സൃഷ്ടിക്കാൻ കഴിയും.