തനിച്ച് താമസിച്ചിരുന്ന യുവതിയുടെ വീട്ടിൽ ഉസ്താദിനെ ദുരൂഹസാഹചര്യത്തിൽ മരിച്ച നിലയിൽ കണ്ടെത്തി

പത്തനംതിട്ട: ജമാഅത്ത് പള്ളി ഉസ്താദിനെ തനിച്ച് താമസിച്ചിരുന്ന യുവതിയുടെ വീട്ടിൽ മരിച്ച നിലയിൽ കണ്ടെത്തി. സീതത്തോട് കൊച്ചാണ്ടി ജമാഅത്ത് പള്ളിയിലെ ഉസ്‍താദ് പത്തനാപുരം കൂടൽ പുന്നമൂട് സിയാനാ മൻസിലിൽ സിദ്ദിഖിനെ(47) ആണ് മരിച്ച നിലയിൽ കണ്ടെത്തിയത്.

തിങ്കളാഴ്ച പുലർച്ചെ നാലു മണിയോടെയാണ് മരണ വിവരം അറിഞ്ഞത്. സ്ത്രീയുടെ വീട്ടിലെ വസ്തു സംബന്ധമായ പ്രശ്നങ്ങൾ പരിഹരിക്കാനുള്ള പ്രാർഥനയ്ക്കിടെ ഉസ്താദ് കുഴഞ്ഞുവീണതായാണ് യുവതി പറയുന്നത്. അപ്പോൾ തന്നെ തൊട്ടടുത്തുള്ള ഓട്ടോറിക്ഷക്കാരനെ വിളിച്ച് വരുത്തി ആശുപത്രിയിലെത്തിച്ചെന്നും യുവതി പറയുന്നു.

തണ്ണിത്തോട് എസ ഐയുടെ നേതൃത്വത്തിൽ ഇൻക്വസ്റ്റ് തയാറാക്കി. വീട്ടിൽ പൂജയ്ക്കുള്ള വസ്തുക്കളും കണ്ടെത്തിയിട്ടുണ്ട്. മൃതദേഹം പത്തനംതിട്ട ജനറൽ ആശുപത്രിയിലേക്ക് മാറ്റി. മൃതദേഹം കോട്ടയം മെഡിക്കൽ കോളേജ് ആശുപത്രിയിൽ പോസ്റ്റുമോർട്ടം നടത്തിയ ശേഷം ബന്ധുക്കൾക്ക് വിട്ടു നൽകും. സംഭവത്തിൽ പോലീസ് കേസെടുത്ത് അന്വഷണം ആരംഭിച്ചു.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona