ഈ അടുത്ത കാലത്തായി ഒടിടി റിലീസിലൂടെ വലിയ രീതിയില് ചര്ച്ചയായ സിനിമയായിരുന്നു ടൊവിനോ തോമസിനെ നായകനാക്കി വിനീത് കുമാര് സംവിധാനം ചെയ്ത ഡിയര് ഫ്രണ്ട്. നെറ്റ്ഫ്ലിക്സിലൂടെയാണ് ചിത്രം എത്തിയത്. ഇപ്പോഴിതാ ടൊവിനോ നായകനായ മറ്റൊരു ചിത്രവും തിയറ്റര് റിലീസിനു ശേഷം ഒടിടി റിലീസിന് എത്തുകയാണ്. നവാഗതനായ വിഷ്ണു ജി രാഘവ് സംവിധാനം ചെയ്ത വാശിയാണ് ചിത്രം. നെറ്റ്ഫ്ലിക്സിലൂടെയാണ് ഈ ചിത്രവും എത്തുന്നത്. ഇന്ന് അര്ധരാത്രി ചിത്രം സ്ട്രീമിംഗ് ആരംഭിക്കും. ചിത്രത്തിലെ നായിക കീര്ത്തി സുരേഷ് ആണ്.
നെറ്റ്ഫ്ലിക്സ് ചിത്രത്തിന് നല്കിയിരിക്കുന്നത് മികച്ച തുകയാണെന്ന് നേരത്തെ റിപ്പോര്ട്ടുകള് എത്തിയിരുന്നു. നിര്മ്മാതാക്കളായ രേവതി കലാമന്ദിറിനെ ഉദ്ധരിച്ച് 10 കോടിക്കാണ് ചിത്രത്തിന്റെ ഒടിടി വില്പ്പന നടന്നിരിക്കുന്നതെന്ന് ഒടിടി പ്ലേ റിപ്പോര്ട്ട് ചെയ്തിരുന്നു. തിയറ്ററുകളില് റിലീസ് ചെയ്യപ്പെട്ട ഒരു മലയാള ചിത്രത്തെ സംബന്ധിച്ച് മികച്ച തുകയാണ് ഇത്.
രേവതി കലാമന്ദിറിന്റെ ബാനറില് ജി സുരേഷ് കുമാര് നിര്മ്മിച്ചിരിക്കുന്ന ചിത്രത്തില് അഭിഭാഷകരാണ് ടൊവിനോയുടെയും കീര്ത്തിയുടെയും കഥാപാത്രങ്ങള്. അനു മോഹന്, അനഘ നാരായണന്, ബൈജു, കോട്ടയം രമേശ് തുടങ്ങിയവരും അഭിനയിച്ചിരിക്കുന്നു. ഛായാഗ്രഹണം നീല് ഡി കുഞ്ഞ, എഡിറ്റിംഗ് അര്ജു ബെന്, ക്രിയേറ്റീവ് സൂപ്പര്വൈസര് മഹേഷ് നാരായണന്, സംഗീതം കൈലാസ്, പശ്ചാത്തല സംഗീതം യാക്സന്, നേഹ, കലാസംവിധാനം സാബു മോഹന്, കഥ ജാനിസ് ചാക്കോ സൈമണ്, മേക്കപ്പ് പി വി ശങ്കര്, വസ്ത്രാലങ്കാരം ദിവ്യ ജോര്ജ്, ചീഫ് അസോസിയേറ്റ് ഡയറക്ടര് നിഥിന് മൈക്കിള്, വരികള് വിനായക് ശശികുമാര്, സൌണ്ട് എം ആര് രാജകൃഷ്ണന്, ഡിസൈന് ഓള്ഡ്മങ്ക്സ്, ഉര്വ്വശി തിയറ്റേഴ്സ് ആണ് വിതരണം .
ജറുസലേം: ചെങ്കടലിൽ വീണ്ടും രക്ഷകരായി ഇന്ത്യൻ നാവിക സേന. ഹൂതി ആക്രമണത്തിനിരയായ പനാമ എണ്ണക്കപ്പലിലെ ജീവനക്കാരെ ഇന്ത്യന് നാവികസേന രക്ഷപ്പെടുത്തി.…
മേയറും സംഘവും ദൃക്സാക്ഷിയെ ഭീഷണിപ്പെടുത്തി മൊബൈൽ ദൃശ്യങ്ങൾ ഡിലീറ്റ് ചെയ്തത് എന്തിന്? #aryarajendran #ksrtc #driver #sachindev
തിരുവനന്തപുരം മേയര് ആര്യ, ഭര്ത്താവ് സച്ചിന് ദേവ് എംഎല്എ . ഭരണകക്ഷിയുടെ പ്രതിനിധികളുമായുള്ള വാക്കു തര്ക്കത്തില് ജീവനുഭീഷണിയുണ്ടെന്ന ഭീതിയിലാണ് കെ…
ഇപിയ്ക്ക് പിഴവുണ്ടായോ... ഇല്ലെന്നാണ് മറുപടി. പഴിയെല്ലാം മാദ്ധ്യമങ്ങള്ക്കാണ്. ഇപിയില് നിന്ന് പാപിയിലെത്താന് ഏറെ ദൂരമില്ലെന്ന് സംശയിക്കുന്നവരോടാണ് ജയരാജന് മറുപടി പറയുന്നത്.…
ആം ആദ്മി പാർട്ടിയുടെ പ്രചാരണ ഗാനത്തിൽ മാറ്റംവരുത്താൻ കർശന നിർദേശം നൽകി കേന്ദ്ര തെരഞ്ഞെടുപ്പ് കമ്മിഷൻ. തെരഞ്ഞെടുപ്പ് ചട്ടങ്ങളും കമ്മിഷന്റെ…