വർണോത്സവം ചിത്രരചനാ മത്സരം സമാപിച്ചു: സമ്മേളനം മുൻ ഡി.ജി.പി ഋഷിരാജ് സിംഗ് ഉദ്ഘാടനം ചെയ്തു

തിരുവനന്തപുരം: സംസ്ഥാന എക്സൈസ് വകുപ്പ്, കിംസ് ഹെൽത്ത്, തിരുവനന്തപുരം പ്രസ് ക്ലബ്, കേരള ലാ അക്കാഡമി എന്നിവ സംയുക്തമായി സംഘടിപ്പിച്ച വർണോത്സവം സമാപിച്ചു.
സമാപന സമ്മേളനം മുൻ ഡി.ജി.പി ഋഷിരാജ് സിംഗ് ഉദ്ഘാടനം ചെയ്തു. ചിത്രരചനാ മത്സര വിജയികൾക്ക് ഉപഹാരങ്ങളും സർട്ടിഫിക്കറ്റും ക്യാഷ് അവാർഡുകളും ചടങ്ങിൽ വിതരണം ചെയ്തു.

കിംസ് ഹെൽത്ത് ചെയർമാൻ ഡോ.എം.ഐ. സഹദുള്ള മുഖ്യപ്രഭാഷണം നടത്തി. ചിത്രകാരൻ ബി.ഡി. ദത്തൻ മുഖ്യാതിഥിയായി. പ്രസ് ക്ലബ് പ്രസിഡൻ്റ് എം. രാധാകൃഷ്ണൻ്റെ അദ്ധ്യക്ഷതയിൽ ചേർന്ന യോഗത്തിൽ കിംസ് ഹെൽത്ത് സി.ഇ.ഒ രശ്മി ആയിഷ, എക്സൈസ് ഡെപ്യൂട്ടി കമ്മിഷണർ ഡി. ബാലചന്ദ്രൻ, ലാ അക്കാഡമി ഡയറക്ടർ പ്രൊഫ. കെ.അനിൽ കുമാർ, എക്സൈസ് എ.സി. അജയ്.കെ.ആർ എന്നിവർ സംസാരിച്ചു.

പ്രസ് ക്ലബ് സെക്രട്ടറി കെ.എൻ.സാനു സ്വാഗതവും ലാ അക്കാഡമി അസി. പ്രൊഫസർ ഡോ. ദക്ഷിണ സരസ്വതി നന്ദിയും പറഞ്ഞു