ബെംഗളൂരു: പൂർണമായും ഇന്ത്യൻ നിർമ്മിതമായ ആദ്യ സോഷ്യൽ മീഡിയ സൂപ്പർ ആപ്ലിക്കേഷൻ, എലിമെന്റ്സ് ഉപരാഷ്ട്രപതി എം. വെങ്കയ്യ നായിഡു പുറത്തിറക്കി. ജീവനകലയുടെ ആചാര്യന് ശ്രീശ്രീ രവിശങ്കറിന്റെ സാനിധ്യത്തില് ബെംഗളൂരുവിലാണ് ചടങ്ങ് നടന്നത്. ശ്രീശ്രീ രവിശങ്കറിൽ നിന്ന് പ്രചോദനം ഉൾക്കൊണ്ട്, ആയിരത്തിലധികം ഐടി പ്രൊഫഷണലുകൾ ഒത്തുചേർന്ന്, ഇന്ത്യയിൽ നിർമ്മിച്ച ആപ്ലിക്കേഷനാണ് എലിമെന്റ്സ്.
വീഡിയോ കോൺഫറൻസ് വഴിയാണ് ഉപരാഷ്ട്രപതി ആപ്ലികേഷൻ പുറത്തിറക്കിയത്. എല്ലാ ഇന്ത്യക്കാരും ആത്മനിർഭർ ഭാരത് പദ്ധതിയിൽ പങ്കാളിയാകണമെന്നും ലോക്കൽ ഇന്ത്യയെ ഗ്ലോക്കൽ ഇന്ത്യയാക്കി പരിവർത്തനം ചെയ്യണമെന്നും ഉത്ഘാടന പ്രസംഗത്തിൽ ഉപരാഷ്ട്രപതി പറഞ്ഞു. ചടങ്ങിൽ യോഗ ഗുരു ബാബാ രാംദേവ്, രാജ്യസഭാ എംപി അയോദ്ധ്യ റാമി റെഡ്ഡി, മുൻ കേന്ദ്ര മന്ത്രി സുരേഷ് പ്രഭു തുടങ്ങിയവരും വീഡിയോ കോൺഫറൻസ് വഴി പങ്കെടുത്തു.
ഉപഭോക്താക്കളുടെ സ്വകാര്യത മുൻനിർത്തിയാണ് എലിമെന്റ്സ് നിർമ്മിച്ചിരിക്കുന്നത്. രാജ്യത്തെ മികച്ച സ്വകാര്യതാ പ്രൊഫഷണലുകൾ ആപ്ലിക്കേഷന്റെ രൂപകൽപ്പനയില് നിർണായക പങ്കുവഹിച്ചു. ഈ ആപ്ലികേഷൻ ഉപയോക്താക്കളുടെ വ്യക്തിവിവരങ്ങൾ ഇന്ത്യയിൽ സൂക്ഷിക്കുന്നതു കൂടാതെ ഉപയോക്താവിന്റെ വ്യക്തമായ അനുമതിയില്ലാതെ ഒരിക്കലും അവ മൂന്നാം കക്ഷിയുമായി പങ്കിടുന്നില്ല. എട്ടിലധികം ഇന്ത്യൻ ഭാഷകളിലും ആപ്ലിക്കേഷൻ ലഭ്യമാകും.
ജനപ്രിയ സോഷ്യൽ മീഡിയ ആപ്ലിക്കേഷനുകളുടെ സവിശേഷതകൾ സംയോജിപ്പിച്ച് ഒരൊറ്റ ഏകീകൃത അപ്ലിക്കേഷനിൽ അവതരിപ്പിക്കുക എന്നതാണ് എലിമെന്റ്സിന്റെ ആശയം. നിരവധി മാസങ്ങളെടുത്ത് ആയിരത്തിലധികം ആളുകൾ ക്രൗഡ്-ടെസ്റ്റ് ചെയ്ത ശേഷമാണ് അന്തിമരൂപം പുറത്തിറക്കിയത്. 200,000-ത്തോളം ആളുകൾ ഇതിനോടകം അപ്ലിക്കേഷൻ ഡൗൺലോഡു ചെയ്ത് ഉപയോഗിച്ചുതുടങ്ങി. ഓഡിയോ / വീഡിയോ കോൺഫറൻസ് കോളുകൾ, എലിമെന്റ്സ് പേ വഴി സുരക്ഷിത പേയ്മെന്റുകൾ, പ്രാദേശിക ഭാഷകളിലുള്ള ശബ്ദ കമാൻഡുകൾ തുടങ്ങിയ സംവിധാനങ്ങൾ വരും ആഴ്ചകളിൽ ആപ്പിൽ ഉൾക്കൊള്ളിക്കും.
ഇന്ത്യ ഫിലിപ്പീൻസ് ആയുധ ഇടപാടിനെ ചൈന ഭയക്കാൻ കാരണമിതാണ്
ലോക്സഭ തെരഞ്ഞെടുപ്പില് സംസ്ഥാനത്തിന്റെ അന്തിമ പോളിങ് ശതമാനം പുറത്ത് വിട്ട് തെരഞ്ഞെടുപ്പ് കമ്മീഷൻ . സംസ്ഥാനത്ത് 71.27 ശതമാനം സമ്മതിദായകർ…
എൽഡിഎഫ് കൺവീനറും കണ്ണൂരിലെ പാർട്ടിയുടെ ശക്തനായ നേതാവുമായ ഇ പി. ജയരാജൻ തെരഞ്ഞെടുപ്പ് ദിവസം നടത്തിയ പത്രപ്രസ്താവനയുമായി ബന്ധപ്പെട്ട കാര്യം…
18 സംസ്ഥാനങ്ങളിൽ കോൺഗ്രസിന് ഒറ്റ മുസ്ലിം സ്ഥാനാർത്ഥി പോലുമില്ല; കോൺഗ്രസിന്റെ ഇരട്ടത്താപ്പ് പുറത്ത്
എന്താണ് രാഹുൽ ജയിച്ചിട്ട് വയനാടിനായി ചെയ്തത് ? ജനങ്ങൾ തന്നെ ചോദിക്കുന്നു
കൊടുത്തത് സ്നേഹപൂർവ്വമുള്ള നിർദ്ദേശം മാത്രം ! ആരോപണം ഉന്നയിച്ചവരെ ശരിപ്പെടുത്താൻ ചിറ്റപ്പനെ തന്നെ ചുമതലപ്പെടുത്തി സിപിഎം I CPM