ഇന്ത്യൻ അതിർത്തിയിലെ ചൈനീസ് പ്രകോപനം;അരുണാചൽ പ്രദേശ് ഉൾപ്പെടെയുള്ള ഭാഗങ്ങളിലെ അതിർത്തി പ്രദേശങ്ങളിൽ അതീവ ജാഗ്രത,ചൈനീസ് സൈന്യത്തിന്റെ കയ്യിൽ ആയുധങ്ങൾ ഉണ്ടായിരുന്നതായി റിപ്പോർട്ട്

ദില്ലി :ഇന്ത്യൻ അതിർത്തിയിലെ ചൈനീസ് പ്രകോപനത്തെത്തുടർന്ന് നിയന്ത്രണ രേഖയിൽ ജാഗ്രത നിർദ്ദേശം. അരുണാചൽ പ്രദേശ് ഉൾപ്പെടെയുള്ള ഭാഗങ്ങളിലെ അതിർത്തി പ്രദേശങ്ങളിലാണ് ജാഗ്രത വർദ്ധിപ്പിച്ചത്. തവാങ് മേഖലയിൽ സംഘർഷത്തിന് എത്തിയ ചൈനീസ് സൈന്യത്തിന്റെ കയ്യിൽ ആയുധങ്ങൾ ഉണ്ടായിരുന്നതായാണ് റിപ്പോർട്ട്. ആണികൾ തറച്ച മരക്കഷ്ണങ്ങളും തോക്കുകളും ഇവരുടെ പക്കലുണ്ടായിരുന്നു.

ഡിസംബർ 9ന് രാവിലെയാണ് സംഘർഷമുണ്ടായത്. സംഘർഷത്തിനിടെ കല്ലേറുമുണ്ടായി. പതിനഞ്ചിലധികം ചൈനീസ് സൈനികർക്ക് പരിക്കേറ്റു. പരിക്കേറ്റ ഇന്ത്യൻ സൈനികരും ചികിത്സയിലാണ്. ചില സൈനികർക്ക് കൈകാലുകളിൽ പൊട്ടലുണ്ട്. സംഭവത്തെ തുടർന്ന് പ്രതിരോധ മന്ത്രി കരസേനാ മേധാവിയുമായി സംസാരിച്ചു. ദേശീയ സുരക്ഷാ ഉപദേഷ്ടാവിന്റെ നേതൃത്വത്തിൽ നിരീക്ഷണവും ശക്തമാക്കിയിട്ടുണ്ട്.