100 കോടി ക്ലബില്‍ കേറി വിജയ് ചിത്രം ‘വാരിസ്’ ; മികച്ച പ്രതികരണമാണ് തിയറ്ററുകളില്‍ നിന്ന് ലഭിക്കുന്നതെന്ന് റിപ്പോർട്ട്

വിജയെ നായകനാക്കി വംശി പൈഡിപ്പള്ളി സംവിധാനം നിർവഹിച്ച പുതിയ ചിത്രമാണ് ‘വാരിസ്’. മികച്ച പ്രതികരണമാണ് തിയറ്ററുകളില്‍ നിന്ന് വാരിസിന് ലഭിക്കുന്നത്. ഇപ്പോഴിതാ സിനിമ റിലീസ് ചെയ്ത നാല് ദിവസം പിന്നടുമ്പോഴേക്കും 100 കോടി ക്ലബില്‍ കയറിയിരിക്കുകയാണ് ചിത്രം.

വിജയ്‍യുടെ നായികയായി രശ്‍മിക മന്ദാനയാണ് ചിത്രത്തില്‍ അഭിനയിച്ചിരിക്കുന്നത്. പ്രകാശ് രാജ്, പ്രഭു, ജയസുധ, ശരത്കുമാർ ശ്രീകാന്ത്, ഷാം, സംഗീത കൃഷ്, സംയുക്ത തുടങ്ങി വാൻ താരനിരതന്നെയാണ് ചിത്രത്തിൽ അഭിനയിച്ചിരിക്കുന്നത്. കാര്‍ത്തിക് പളനിയാണ് ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത്. അച്ഛന്റെ കോടിക്കണക്കിന് ഡോളർ ബിസിനസ്സ് സാമ്രാജ്യത്തിന്റെ അനന്തരവകാശിയാകുന്ന ‘വിജയ് രാജേന്ദ്രൻ’ എന്ന കഥാപാത്രത്തെയാണ് വിജയ് ‘ ചിത്രത്തിൽ അവതരിപ്പിച്ചിരിക്കുന്നത്. പൊങ്കല്ലിനാണ് ചിത്രം റിലീസ് ചെയ്തത്.