അവിടെ നിക്കട..ഇത് എങ്ങോട്ടാ പായുന്നെ ? റെക്കോർഡിട്ട് സ്വർണ്ണവില പവന് 44,420

സംസ്ഥാനത്ത് റോക്കറ്റ് വേഗത്തിൽ കുതിച്ച് റെക്കോർഡിട്ട് സ്വർണവില. പവന് 1,200 രൂപയുടെ വർദ്ധനവാണ് ഇന്ന് ഉണ്ടായിരിക്കുന്നത്. വില വർദ്ധനവോടെ ഒരു പവൻ സ്വർണ്ണത്തിന് 44,420 രൂപയായി. ഗ്രാമിന് 150 രൂപയുടെ വർദ്ധനവാണ് ഉണ്ടായിരിക്കുന്നത്. ഗ്രാമിന് ഇന്നത്തെ വില 5,530 ആണ്.

ചരിത്രത്തിൽ ആദ്യമായാണ് സ്വർണ്ണത്തിന്റെ വില 43,000 കടക്കുന്നത്. ഇന്നലെ പവന് 200 രൂപ കൂടി 43,000 രൂപ കടന്നിരുന്നു. ഗ്രാമിന് 25 രൂപ വർദ്ധിച്ച് 5,380 രൂപയായി. പവന് 200 രൂപ വർദ്ധിച്ച് 43,040 രൂപ ആയി. ഇതിന് മുൻപ് സമാനമായി സ്വർണ്ണത്തിന്റെ വില ഉയർന്നത് ഫെബ്രുവരിയിലായിരുന്നു. അന്ന് ഒരു പവൻ സ്വർണ്ണത്തിന് 42,880 ആയിരുന്നു വില.