വഖഫ് നിയമഭേദഗതി അടിച്ചമർത്തപ്പെട്ടവർക്ക് വേണ്ടി ! മാഫിയ ഭരണം ഇനി അനുവദിക്കില്ല ; കോൺഗ്രസ് സർക്കാർ വരുത്തിയ പിഴവുകൾ തിരുത്തനാണ് ശ്രമമെന്ന് കിരൺ റിജിജു ലോക്സഭയിൽ

ദില്ലി:വഖഫ് ബോർഡ് നിയമ ഭേദഗതി ബില്ലിന് മേൽ ലോക്സഭയിലെ ശക്തമായ വാദ പ്രതിവാദങ്ങള്‍ക്കിടെ മറുപടിയുമായി കേന്ദ്ര മന്ത്രി കിരണ്‍ റിജിജു. ബില്ലിനെതിരെ വലിയ പ്രചാരണം നടക്കുന്നുവെന്ന് കിരണ്‍ റിജിജു പറഞ്ഞു.ബിൽ ഇതിനോടകം തന്നെ വിതരണം ചെയ്തതാണെന്നും പൊതുമദ്ധ്യത്തിൽ ബില്ലുണ്ടെന്നും അദ്ദേഹം പറഞ്ഞു.ഭരണഘടനയോ, മതസ്വാതന്ത്രത്യത്തയോ ബില്ല് ചോദ്യം ചെയ്യുന്നില്ല. 2013 ബില്ലിൽ അനാവശ്യ ഭേദഗതികൾ കൊണ്ടുവന്നു. ന്യൂനപക്ഷങ്ങളുടെ താൽപര്യങ്ങൾ സംരക്ഷിക്കാൻ തന്നെയാണ് ബിൽ.

എല്ലാവർക്കും കേൾക്കാനുള്ളത് കേൾക്കുമെന്നും എല്ലാവരെയും വിശ്വാസത്തിലെടത്താണ് ബിൽ കൊണ്ടുവരുന്നതെന്നും കിരണ്‍ റിജുജു പറഞ്ഞു.നീതി ലഭിക്കാത്ത മുസ്ലീം സഹോദരങ്ങൾക്ക് ഈ ബിൽ നീതി നൽകും.പാവപ്പെട്ട മുസ്ലീംങ്ങൾക്ക് സംരക്ഷണമൊരുക്കും.സ്ത്രീകൾക്കും കുട്ടികൾക്കും പിന്തുണ നൽകും . ന്യൂനപക്ഷങ്ങളുടെ അവകാശങ്ങൾ തട്ടിയെടുക്കാനല്ല ബില്‍.വഖഫ് ബോർഡുകളിൽ കൃത്യമായി ഓഡിറ്റ് നടക്കാറില്ലെന്ന മുൻകാല റിപ്പോർട്ടുകളുണ്ട്. യുപിഎ സർക്കാരിൻ്റെ കാലത്ത് പല പരാതികളും ഉയർന്നിരുന്നു.

വഖഫിൻ്റെ ആസ്തികളും, വരുമാനവും തമ്മിൽ പൊരുത്തക്കേടുകളുണ്ടായിരുന്നു.കൈവശഭൂമിയുടെ വിസ്തൃതിയും,വിലയും തമ്മിൽ പൊരുത്തക്കേടുകൾ ഉണ്ട്.വഖഫ് കൗൺസിലിനെയും ബോർഡുകളെയും ശാക്തീകരിക്കാനാണ് ബിൽ.സച്ചാർ കമ്മിറ്റിയിൽ ശുപാർശയുണ്ടായിരുന്നു. സച്ചാർ കമ്മിറ്റി ശുപാർശകൾ അനുസരിച്ചാണ് ഭേദഗതികൾ വരുത്തിയത്. യു പി എ സർക്കാരിന് ചെയ്യാൻ കഴിയാത്ത കാര്യമാണിത്. നീതി നിഷേധം ഉണ്ടാകാതിരിക്കാനാണ് ട്രിബ്യൂണൽ കൊണ്ടുവരുന്നത്..മാഫിയ ഭരണം ഇനി അനുവദിക്കാനാവില്ല.പല മാഫിയകളും വഖഫ് സ്വത്തുക്കൾ കൈയടക്കി.കോൺഗ്രസ് സർക്കാർ വരുത്തിയ പിഴവുകൾ തിരുത്താനാണ് ശ്രമമെന്നും കിരണ്‍ റിജുജു പറഞ്ഞു.