‘സുരക്ഷാ ഉറപ്പാക്കുന്നതിൽ ഞങ്ങൾ പ്രതിജ്ഞാബദ്ധരാണ്’; ഇന്ത്യൻ വിദ്യാർത്ഥികൾക്ക് നേരെയുള്ള വംശീയ ആക്രമണത്തിൽ ഒടുവിൽ പ്രതികരിച്ച് അമേരിക്ക

ദില്ലി: ഇന്ത്യൻ വിദ്യാർത്ഥികളും ഇന്ത്യൻ വംശജരും അടുത്ത കാലത്തായി അമേരിക്കയിൽ അക്രമിക്കപ്പെടുന്നതിൽ പ്രതികരിച്ച് ഇന്ത്യയിലെ യുഎസ് അംബാസഡർ എറിക് ഗാർസെറ്റി. നടന്ന ദുരന്തങ്ങൾ തീർച്ചയായും വേദനയുളവാക്കുന്നതാണ് എന്ന് ഗാർസെറ്റി പറഞ്ഞു. ഞങ്ങളുടെ ഹൃദയം മരണപ്പെട്ടവരുടെ കുടുംബാംഗങ്ങളോടൊപ്പമാണ്. ഇന്ത്യൻ വിദ്യാർത്ഥികൾകക്ക് സുരക്ഷാ ഉറപ്പാക്കുന്നതിൽ അമേരിക്ക പ്രതിജ്ഞാബദ്ധരാണെന്നും അദ്ദേഹം കൂട്ടിച്ചേർത്തു. അമേരിക്കയും ഇന്ത്യൻ സർക്കാരും ബന്ധപ്പെട്ട ആൾക്കാരുമായി കൂടിയാലോചിച്ച് വേണ്ട നടപടികൾ എടുക്കുമെന്നും വ്യക്തമാക്കി

പഠിക്കാനും സുരക്ഷിതരായിരിക്കാനുമുള്ള മികച്ച സ്ഥലമാണ് യുണൈറ്റഡ് സ്റ്റേറ്റ്‌സ് ഉറപ്പാക്കാൻ ഞങ്ങൾ വളരെ പ്രതിജ്ഞാബദ്ധരാണ്. ലോകത്തെ മറ്റേതൊരു രാജ്യത്തേക്കാളും കൂടുതൽ ഇന്ത്യക്കാർ യുഎസിൽ പഠിക്കുന്നുണ്ട്. അതിനാൽ തന്നെ ഇപ്പോൾ നടന്നു കൊണ്ടിരിക്കുന്ന കാര്യങ്ങളുടെ ഉത്തരവാദിത്വം ഞങ്ങൾ ഏറ്റെടുക്കുകയും വേണ്ടപ്പെട്ടവരുമായി കൂടിയാലോചിച്ച് ഉചിതമായ നടപടികൾ എടുക്കുകയും ചെയ്യുമെന്ന് അദ്ദേഹം പറഞ്ഞു.