വെസ്റ്റ്ഹിൽ കോർപ്പറേഷന്റെ അജൈവ മാലിന്യ സംസ്കരണ കേന്ദ്രത്തിൽ തീ പിടിത്തമുണ്ടായ സംഭവം ! മേയർക്കെതിരെ കേസെടുക്കണമെന്നാവശ്യപ്പെട്ട് ബിജെപി നടക്കാവ് മണ്ഡലം കമ്മിറ്റി പോലീസ് സ്റ്റേഷൻ ധർണ്ണ നടത്തി

കോഴിക്കോട് : വെസ്റ്റ്ഹിൽ കോർപ്പറേഷന്റെ അജൈവ മാലിന്യ സംസ്കരണ കേന്ദ്രത്തിൽ തീ പിടിത്തമുണ്ടായ സംഭവത്തിൽ കോർപ്പറേഷൻ മേയർക്കെതിരെ കേസെടുക്കണമെന്നാവശ്യമുന്നയിച്ച് ബിജെപി നടക്കാവ് മണ്ഡലം കമ്മിറ്റി വെള്ളയിൽ പോലീസ് സ്റ്റേഷനിൽ ധർണ്ണ സംഘടിപ്പിച്ചു. കോർപ്പറേഷൻ പാർളിമെന്ററി ലീഡർ നവ്യ ഹരിദാസ് ധർണ്ണ ഉദ്ഘാടനം ചെയ്തു

ബിജെപി നടക്കാവ് മണ്ഡലം പ്രസിഡണ്ട് കെ.ഷൈബു അദ്ധ്യക്ഷത വഹിച്ചു. ഈസ്റ്റ്ഹിൽ വാർഡ് കൗൺസിലർ എൻ.ശിവപ്രസാദ് മുഖ്യപ്രഭാഷണം നടത്തി.

അത്താണിക്കൽ വാർഡ് കൗൺസിലർ സി.എസ് സത്യഭാമ, ജില്ല മത്സ്യ സെൽ കൺവീനർ പി.കെ.ഗണേശൻ , മണ്ഡലം ജനറൽ സെക്രട്ടറിമാരായ.എൻ.പി. പ്രകാശൻ , പ്രവീൺ തളിയിൽ , സെക്രട്ടറി മധു കാട്ടു വയൽ, ടി. പ്രജോഷ് , ടി. അർജുൻ അരുൺ രാമദാസ് , റുബി പ്രകാശ്, മധു കാമ്പുറം, പി.ശിവദാസൻ ,എൻ.പി. അരുൾ ദാസ് , പി.ശശീന്ദ്ര ബാബു , എ .പി. പുരുഷോത്തമൻ , റാണി രതീഷ് , ആർ അനിൽകുമാർ , സോയ അനിഷ്, സജിഷ് സുഗേഷ് എന്നിവർ ധർണ്ണയിൽ സംസാരിച്ചു.