ആൺകുട്ടികൾക്കില്ലാത്ത നിയന്ത്രണം പെൺകുട്ടികൾക്കെന്തിനാണ്? കോളേജ് ഹോസ്റ്റലിൽ പെൺകുട്ടികൾക്ക് സമയ നിയന്ത്രണം ഏർപ്പെടുത്തിയതിൽ സർക്കാരിന് ഹൈക്കോടതിയുടെ രൂക്ഷ വിമർശനം

എറണാകുളം : കോഴിക്കോട് മെഡിക്കൽ കോളേജ് ഹോസ്റ്റലിൽ പെൺകുട്ടികൾക്ക് സമയ നിയന്ത്രണം ഏർപ്പെടുത്തിയതിയിൽ സർക്കാരിന് ഹൈക്കോടതിയുടെ രൂക്ഷ വിമർശനം .ആണ്കുട്ടികൾക്കില്ലാത്ത നിയന്ത്രണം പെണ്കുട്ടികൾക്കെന്തിനാണെന്നു കോടതി ചോദിച്ചു.അതേ സമയം മാതാപിതാക്കളുടെ ആവശ്യപ്രകാരമാണ് നിയന്ത്രണം ഏർപ്പെടുത്തിയതെന്നാണ് സർക്കാറിൻറെ വാദം.

ഹോസ്റ്റലിൽ പെൺകുട്ടികൾക്ക് സമയനിയന്ത്രണം ഏർപ്പെടുത്തിയതിനെതിരെയുള്ള ഹർജിയിലാണ് ഹൈക്കോടതിയിടെ വിമർശനം .സമയനിയന്ത്രണമില്ലാത്ത ഹോസ്റ്റലുകൾ സംസ്ഥാനത്തുണ്ടെന്നും അവിടെയുള്ള കുട്ടികൾ മാതാപിതാക്കൾ ഇല്ലാത്ത കുട്ടികളോണോ എന്നും കോടതി ചോദിച്ചു. എത്ര കാലം കുട്ടികളെ ഇങ്ങനെ പൂട്ടി ഇടുമെന്നും ആൺകുട്ടികൾക്കില്ലാത്ത നിയന്ത്രണം പെൺകുട്ടികൾക്കെന്തിനാണെന്ന് കോടതി ആരാഞ്ഞു.ഹോസ്റ്റലിലെ പെണ്കുട്ടികൾക്കു സമയം രാത്രി ഒന്പതരയായി നിശ്‌ചയിച്ചിരുന്നു .പെൺകുട്ടികൾക്കും ജീവിക്കണമെന്നും പെണ്കുട്ടികളുള്ള മാതാപിതാക്കളുടെ ആശങ്കയും കണക്കിലെടുക്കയാണെന്നും കോടതി വ്യക്തമാക്കി.