വെടിയൊച്ചകൾക്കിടയിലും യുക്രെയ്‌നിൽ ഒന്നുമറിയാതെ നിഷ്കളങ്കചിരിയുമായി ഒരു കുഞ്ഞിന്റെ ജനനം; ചിത്രം വൈറൽ

കീവ്: വെടിയൊച്ചകൾക്കിടയിലും ഒന്നുമറിയാതെ നിഷ്കളങ്കചിരിയുമായി ഒരു കുഞ്ഞിന്റെ ജനനം(Woman, 23, gives birth to daughter as she shelters from bombs in Kyiv). യുക്രെയ്‌ന്റെ തലസ്ഥാനമായ കീവിനെ ലക്ഷ്യമിട്ട് റഷ്യയുടെ കനത്ത ആക്രമണം തുടരുകയാണ്. എങ്ങും അശാന്തിയുടെയും ആശങ്കയുടെയും ദയനീയരംഗങ്ങളാണ്. മെട്രോ ട്രെയിനുകൾ താമസസ്ഥലമാക്കിയിരിക്കുകയാണ് കീവ് ജനത. കൂടുതൽ മെട്രോ ട്രെയിനുകൾ താമസത്തിനായി തുറന്നുകൊടുത്തിട്ടുമുണ്ട്. ട്രെലിഗ്രാം വഴി പുറംലോകവുമായി ആശയവിനിമയം നടത്താൻ സൗകര്യമൊരുക്കിയിട്ടുണ്ട്. ഈ ആശങ്കയ്‌ക്കിടയിലാണ് സന്തോഷവാർത്ത പുറത്തുവരുന്നത്.

ഭൂഗർഭ മെട്രോയിൽ ഒരു യുവതി ഒരു കുഞ്ഞിനു ജൻമം നൽകി. ഏതാനും മണിക്കൂറുകൾക്കു മുൻപ് ടെലിഗ്രാം വഴിയാണ് ഈ വിവരം പുറംലോകമറിഞ്ഞത്. പട്ടിൽ പൊതിഞ്ഞ കുഞ്ഞിന്റെ ചിത്രവും ടെ ലി ഗ്രാമിൽ പങ്കുവച്ചിട്ടുണ്ട്. അശാന്തിപടരുന്ന കീവിൽ മെട്രോ ട്രെയിനിൽ പിറന്ന കുഞ്ഞ് പ്രതീക്ഷയുടെ പ്രതീകമാവുകയാണ്. കുഞ്ഞിന്റെ ചിത്രം സമൂഹമാധ്യമങ്ങളിൽ ഇതിനോടകം തന്നെ വൈറലായി മാറിയിട്ടുണ്ട്.

അതേസമയം യുക്രെയ്‌ന്റെ തലസ്ഥാനമായ കീവില്‍ നിന്ന് രക്ഷപ്പെടുത്താമെന്ന അമേരിക്കയുടെ സഹായവാഗ്ദാനം യുക്രൈന്‍ പ്രസിഡന്റ് വ്‌ളോഡിമര്‍ സെലന്‍സ്‌കി നിരസിച്ചു. അതോടൊപ്പം റഷ്യയുമായുള്ള ചര്‍ച്ചാവേദി ബെലാറസിന്‍ നിന്ന് ഇസ്രായേലിലേക്ക് മാറ്റണമെന്നും യുക്രെയ്ൻ ആവശ്യപ്പെട്ടു. ബെലാറസ് എല്ലായിപ്പോഴും റഷ്യയ്‌ക്കൊപ്പം നില്‍ക്കുന്ന രാജ്യമാണെന്ന് ചൂണ്ടിക്കാട്ടിയാണ് യുക്രെയ്‌ന്റെ പുതിയ ആവശ്യം.