സ്ത്രീകളെ പരസ്യമായി മാനഭംഗപ്പെടുത്താം, കുട്ടികളെ കൊല ചെയ്യാം, ചാവേറുകളായി ബോംബ് പൊട്ടിക്കാം; അവർ എന്ത് ചെയ്താലും പിന്തുണയ്ക്കണം, കാരണം അവർക്ക് വോട്ട് ബാങ്കുണ്ട് ; ഇതാണ് ശരാശരി കമ്മിയുടെ ലൈനെന്ന് കെ.സുരേന്ദ്രൻ

തിരുവനന്തപുരം: ഹമാസ് ഭീകരാക്രമണത്തെ പിന്തുണച്ച് രം​ഗത്തെത്തിയ സിപിഎം നേതാക്കളെ രൂക്ഷമായി വിമർശിച്ച് ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ. സിപിഎം ജനറൽ സെക്രട്ടറി സീതാറാം യച്ചൂരി, സി.പി.എം നേതാവ് എം.എ ബേബി, സി.പി.എം സംസ്ഥാന സെക്രട്ടേറിയറ്റ് അംഗം എം. സ്വരാജ് തുടങ്ങിയവർ ഹമാസിന്റെ കൂട്ടക്കുരുതിയെ അനുകൂലിച്ച് കൊണ്ട് രംഗത്തെത്തിയിരുന്നു. ഇതിന് പിന്നാലെയാണ് രൂക്ഷമായ വിമർശനവുമായി കെ.സുരേന്ദ്രൻ രംഗത്തെത്തിയിരിക്കുന്നത്.

അവർ എന്ത് ചെയ്താലും പിന്തുണയ്‌ക്കണം. അവർക്ക് സ്ത്രീകളെ പരസ്യമായി മാനഭംഗപ്പെടുത്താം, മൃതദേഹത്തെ പോലും അപമാനിക്കാം. കുട്ടികളെ ഇഞ്ചിഞ്ചായി കൊല ചെയ്യാം. ബന്ദികളെ ഒരോരുത്തരെയായി കഴുത്തറുത്ത് കൊല്ലാം. ചാവേറുകളായി ബോംബ് പൊട്ടിക്കാം. ലോകം മുഴുവൻ ഇസ്ലാമിക രാജ്യം സ്ഥാപിക്കുമെന്ന് വെല്ലുവിളിക്കാം. വിധേയനിലെ തൊമ്മിയെ പോലെ നമുക്ക് വാലും ചുരുട്ടി അവരുടെ കാൽക്കീഴിൽ ഇരിക്കാം. കാരണം, അവർക്ക് വോട്ട് ബാങ്കുണ്ട്. ഇതാണ് ഹമാസിനെ കുറിച്ച് ഒരു ശരാശരി കമ്മിയുടെ ലൈൻ. അത് ഇപ്പോൾ നേതാവായാലും അണിയായാലും ഇത് തന്നെയാണ് അവസ്ഥ എന്നാണ് കെ. സുരേന്ദ്രൻ തുറന്നടിച്ചത്.