ദില്ലി : ഇന്ത്യാ ചൈന അനൗപചാരിക ഉച്ചകോടിക്കായി തമിഴ്നാട്ടിലെത്തിയ ചൈനീസ് പ്രസിഡന്റ് ഷി ജിന്പിങ്ങുമായി കൂടിക്കാഴ്ച നടത്താനുള്ള ഇടതു നേതാക്കളുടെ ശ്രമം വിജയിച്ചില്ല. ഷി ജിന്പിങ്ങുമായി സിപിഎം ജനറല് സെക്രട്ടറി സീതാറാം യെച്ചൂരി അടക്കമുള്ളവര് കൂടിക്കാഴ്ചയ്ക്ക് ശ്രമം നടത്തിയിരുന്നു. എന്നാല് ഈ ഇടതു നേതാക്കള്ക്കൊന്നും കൂടിക്കാഴ്ചയ്ക്ക് ഷി ജിന്പിങ്ങ് അനുമതി നല്കിയില്ല. ഇന്ത്യയില് എത്തിയ ഷി ജിന്പിങ് പ്രതിപക്ഷ നേതാക്കളെ കാണില്ലെന്നാണ് ഒടുവില് പുറത്തുവരുന്ന റിപ്പോര്ട്ടുകള്.
മഹാബലി പുരത്ത് എത്തിയ ഷി ജിന്പിങ്ങിനെ പ്രധാനമന്ത്രി നരേന്ദ്ര മോദി സ്വീകരിച്ചു. തമിഴ് സ്റ്റൈലില് വെള്ള ഷര്ട്ടും മുണ്ടും ഷോളുമായിരുന്നു മോദിയുടെ വേഷം. മഹബാലിപുരത്തെ കോട്ടകളും ചിരപുരാതന ശില്പങ്ങളും ഷി ജിന്പിങ്ങിനു മോദി പരിജയെപ്പെടുത്തി. നേരത്തേ, ചെന്നൈ വിമാനത്താവളത്തില് തമിഴ്നാട് ഗവര്ണര് ബന്വാരിലാല് പുരോഹിത്, മുഖ്യമന്ത്രി എടപ്പാടി പളനി സ്വാമി എന്നിവര് ചേര്ന്ന് അദ്ദേഹത്തെ സ്വീകരിച്ചു. അവിടെനിന്ന് ഉച്ചകോടി നടക്കുന്ന മഹാബലിപുരത്തേക്ക് അദ്ദേഹം പോയി.
മഹാബലിപുരത്തെ താജ് കടലോര ഹോട്ടലിലാണ് ഷി ജിന്പിങ് താമസിക്കുക. നാളെ ഉച്ചകോടി നടക്കുന്നതും അതേ ഹോട്ടലില് തന്നെയാണ്. ഇന്ന് രാവിലെ മഹാബലിപുരത്തെത്തിയ പ്രധാനമന്ത്രി നരേന്ദ്രമോദി ഹോട്ടലില് തങ്ങിയ ശേഷമാണ് വൈകിട്ട് മഹാബലിപുരത്തെ അര്ജുനശിലയ്ക്കു മുമ്പില് വച്ച് ഇരുനേതാക്കളും കൂടിക്കാഴ്ച നടത്തിയത്.
ഷി ജിന്പിങ് എത്തുന്നതിനെതിരെ പ്രതിഷേധിച്ച അഞ്ച് ടിബറ്റന് വിദ്യാര്ത്ഥികളെ പോലീസ് രാവിലെ അറസ്റ്റ് ചെയ്തുനീക്കി. പ്രതിഷേധ സാധ്യത കണക്കിലെടുത്ത് തെന്സില് സുനന്ത്യു അടക്കം 42 ടിബറ്റന് സ്വദേശികള് കരുതല് കസ്റ്റഡിയിലാണ്. അര്ധസൈനിക വിഭാഗത്തിന് പുറമേ 500 ലധികം പോലീസുകാരെയാണ് മഹാബലിപുരത്ത് വിന്യസിച്ചിരിക്കുന്നത്.
തിരുവനന്തപുരം : സംസ്ഥാനത്ത് സര്ക്കാര് ആശുപത്രികളില് ജീവന്രക്ഷാ മരുന്നുകള് ഉള്പ്പെടെയുള്ളവ ലഭിക്കാതെ രോഗികള് വലയുന്നതിനിടെ, ലക്ഷക്കണക്കിന് ജനങ്ങളെ ദുരിതത്തിലാക്കി വെയര്ഹൗസുകളില്…
കേരള രാഷ്ട്രീയത്തില് വലിയ ചര്ച്ചാവിഷയമായി മാറിക്കൊണ്ടിരിക്കുന്ന പുതിയൊരു ഭരണപരമായ തീരുമാനമാണ് മുഖ്യമന്ത്രിയുടെ മാധ്യമ ഇടപെടലുകളിലെ നിയന്ത്രണങ്ങള്. മുഖ്യമന്ത്രി വി.ഡി. സതീശന്…
ഗുവാഹതി : നിരോധിത ഭീകര സംഘടനയായ ജമാത്-ഉല്-മുജാഹിദ്ദീന് ബംഗ്ലാദേശിന്റെ (ജെ.എം.ബി) പോഷക സംഘടനയായ 'ഇമാം മഹ്മൂദ് ഖഫില'യുമായി (IMK) ബന്ധപ്പെട്ട…
കേരളത്തിന്റെ പൊതുആരോഗ്യ രംഗം എക്കാലത്തും ഇന്ത്യക്കാകെ മാതൃകയായിരുന്നു. സാധാരണക്കാര്ക്കും പാവപ്പെട്ടവര്ക്കും ആശ്രയമായ സര്ക്കാര് ആശുപത്രികളിലെ മികച്ച ചികിത്സാ സൗജന്യങ്ങളും മരുന്ന്…
കേരള രാഷ്ട്രീയത്തെ പിടിച്ചു കുലുക്കിയ മുട്ടില് മരംമുറിക്കേസ് അന്വേഷണത്തില് വന് അട്ടിമറി നടന്നുവെന്ന വെളിപ്പെടുത്തലുകള് പൊതുസമൂഹത്തില് വലിയ ചര്ച്ചയാകുന്നു. കോടികള്…
കൊച്ചി : പ്ലസ് ടു വിദ്യാര്ഥിനിയോട് അധിക്ഷേപകരമായി സംസാരിച്ചെന്ന പരാതിയില് സസ്പെന്ഷനിലായ കെഎസ്ആര്ടിസി കണ്ടക്ടറുടെ വിശദീകരണം മറ്റൊരു രീതിയില്. കുമ്പളം…