സഹപ്രവര്‍ത്തകയുടെ മകളെ പീഡിപ്പിച്ചു; യൂത്ത് കോണ്‍ഗ്രസ് നേതാവ് പിടിയിൽ

അമ്പൂരി: സഹപ്രവര്ത്തകയുടെ മകളെ പീഡിപ്പിച്ച യൂത്ത് കോണ്ഗ്രസ് നേതാവ് പിടിയിൽ. പേരേക്കോണം വാവോട് കാക്കണം വിളയില്‍ ഷൈജു (28) ആണ് അറസ്റ്റിലായത്. അമ്പൂരി മുന്‍ വൈസ് പ്രസിഡന്റ് അനിതാ മധുവിനെ വീടുകയറി ആക്രമിച്ച് കൊല്ലാന്‍ ശ്രമിച്ചതിലടക്കം നിരവധി കേസുകളില്‍ പ്രതിയാണ്.

ഇയാള്‍ ഒറ്റശേഖരമംഗലം, അമ്പൂരി മണ്ഡലം കമ്മറ്റികളില്‍ യൂത്ത് കോണ്‍ഗ്രസ് ജോ. സെക്രട്ടറി, വൈസ് പ്രസിഡന്റ് എന്നീ നിലകളില്‍ പ്രവര്‍ത്തിച്ചുവരികയാണ്. നെയ്യാര് ഡാം എസ്‌എച്ച്‌ഒ ബിജോയ്, എഎസ്‌ഐ രമേശന്, സിപിഒമാരായ ഷാഫി, അനീഷ്, ജോസ് എന്നിവര് ചേര്ന്നാണ് പ്രതിയെ അറസ്റ്റ് ചെയ്തത്.

അതേസമയം പ്രായപൂർത്തിയാകാത്ത പെൺകുട്ടിയെ പ്രണയം നടിച്ച്‌ നിരന്തരം പീഡനത്തിന് ഇരയാക്കിയ കേസില് യുവാവ് പിടിയിൽ. കാരികയം കൊടുമുടി ഇലവുങ്കല് ശശാങ്കന് മകന് ശരത്തി (21)നെയാണ് പോലീസ് അറസ്റ്റ് ചെയ്തത്.

2020 ജൂണ് 19 മുതല് 2022 ഫെബ്രുവരി രണ്ടു വരെയുള്ള കാലയളവില് പല ദിവസങ്ങളിലായി പീഡിപ്പിച്ചെന്നാണ് പരാതി. എസ്‌ഐമാരായ സുരേഷ് കുമാര്, സുരേഷ് പണിക്കര്, എസ്സിപിഓ അന്സര് എന്നിവരാണ് സംഘമാണ് ഇയാളെ അറസ്റ്റ് ചെയ്തത്. അതേസമയം സ്‌കൂള്‍ ഓഫ് ഡ്രാമയിലെ വിദ്യാര്‍ത്ഥി നല്‍കിയ പീഡന പരാതിയില്‍ അധ്യാപകനായ ഡോ. സുനില്‍ കുമാര്‍ അറസ്റ്റില്‍. കണ്ണൂരില്‍ നിന്നാണ് ഇയാളെ അറസ്റ്റ് ചെയ്തത്.