ദില്ലി : 10 കോടിയോളം വരുന്ന കോവിഡ് വാക്സിന്റെ ഉല്പ്പാദനവും വിതരണവും വളരെ എളുപ്പമാക്കാൻ രാജ്യത്തെ പ്രമുഖ മരുന്ന് നിര്മ്മാണ കമ്പനിയായ സെറം ഇന്സ്റ്റിറ്റിയൂട്ട് ഓഫ് ഇന്ത്യ ബില് ഗേറ്റ്സുമായി കൈകോര്ക്കുന്നു. ബില് ഗേറ്റ്സിന്റെ ബില് ആന്റ് മെലിന്ദ ഗേറ്റ്സ് ഫൗണ്ടേഷനുമായിട്ടാണ് സെറം കൈകോർക്കുന്നത് . ഇവർക്ക് പുറമേ ഗവി, ദി വാക്സിന് അലയന്സ് എന്നിവരുമായി കൈകോർക്കാനും സെറം തീരുമാനിച്ചിട്ടുണ്ട്. ഉല്പ്പാദനവും വിതരണവും വേഗത്തിലാക്കാനാണ് സെറം ഈ മൂന്ന് സ്ഥാപനങ്ങളുമായി സഹകരിക്കാന് തീരുമാനിച്ചത്. ഇന്ത്യയില് മാത്രം 10 കോടി ഡോസ് വാക്സിന് ഉല്പ്പാദിപ്പിച്ച് വിതരണത്തിന് സജ്ജമാക്കാനാണ് കമ്പനിയുടെ പദ്ധതി.
അതേസമയം , പ്രമുഖ കമ്പനിയായ ആസ്ട്രാ സെനെക്കേയുടെയും നോവാവാക്സിന്റെയും വാക്സിനുകള് ഇന്ത്യയിലും മറ്റു പിന്നാക്ക രാജ്യങ്ങളിലും ലഭ്യമാക്കാനാണ് കമ്പനി ലക്ഷ്യമിടുന്നത്. മാസങ്ങള്ക്കകം ആസ്ട്രാ സെനെക്കേയുടെയും നോവാവാക്സിന്റെയും വാക്സിനുകള്ക്ക് അനുമതി ലഭിക്കുന്ന പക്ഷം ഇവ ഇന്ത്യയില് നിര്മ്മിച്ച് രാജ്യത്ത് ലഭ്യമാക്കാനാണ് സെറം ലക്ഷ്യമിടുന്നത്
