തിരുവനന്തപുരം : സംസ്ഥാനത്ത് കോവിഡ് വ്യാപനം രൂക്ഷമാവുന്നതിനിടെ , പ്രതി ദിനം ഇരുന്നൂറിൽ
പരം കേസുകൾ റിപ്പോർട്ട് ചെയ്യപ്പെടുന്ന തിരുവനന്തപുരം നഗരത്തിൽ കോവിഡ് പരിശോധനങ്ങളുടെ എണ്ണം അപര്യാപ്തമെന്ന് റിപ്പോർട്ടുകൾ . ജില്ലയിലെ പ്രതിദിന പരിശോധന രണ്ടായിരത്തിഅഞ്ഞൂറെങ്കിലും ഉയർത്തേണ്ട സമയമായതായി ആരോഗ്യ വിദഗ്ധർ പറയുന്നു.
സമൂഹവ്യാപനം സ്ഥിരീകരിച്ച പുല്ലുവിള, പൂന്തുറ അടക്കമുള്ള തിരുവനന്തപുരത്തെ തീരദേശ മേഖലയിൽ പ്രതിദിനം നടക്കുന്നത് ശരാശരി 600 പരിശോധനകളാണ്. രോഗം കൂടുതലായി റിപ്പോർട്ട് ചെയ്യപ്പെടുന്ന നഗരപ്രദേശങ്ങളിലായി ദിവസവും 400 പരിശോധനകളും ജില്ലയുടെ മറ്റ് ഭാഗങ്ങളിലായി 300 ന് അടുത്ത് പരിശോധനകളുമാണ് ഇപ്പോൾ നടക്കുന്നത്. അങ്ങനെ ജില്ലയിലാകെ പ്രദിനം ശരാശി നടക്കുന്നത് 1300 ന് അടുത്ത് പരിശോധനകൾ. എന്നാൽ ഇത് വളരെ തുച്ഛമാണെന്നാണ് ആരോഗ്യവിദഗ്ദർ പറയുന്നത്. അതീവ ഗുരുതരാവസ്ഥയിലുള്ള തിരുവനന്തപുരത്ത് പ്രതിദിനം 2500ന് അടുത്ത് പരിശോധനകൾ നടത്തണമെന്നാണ് ഇവരുടെ വിലയിരുത്തൽ. അതേസമയം , ആരോഗ്യപ്രവർത്തകർക്ക് രോഗം പിടിപ്പെടുന്നതും, കൂടുതൽ ആരോഗ്യപ്രവർത്തകർ നിരീക്ഷണത്തിൽ പോകുന്നതുമെല്ലാം കടുത്ത വെല്ലുവിളിയുണർത്തുകയാണ്. അടുത്ത ദിവസങ്ങളിൽ തിരുവനന്തപുരത്തെ പരിശോധനകളുടെ എണ്ണം 2000ലേക്ക് എത്തിക്കാനാണ് ജില്ലാ ഭരണകൂടത്തിന്റെ ശ്രമം.
