തിരുവനന്തപുരം : സംസ്ഥാനത്ത് പല ജില്ലകളിലും ഇടിയോടുകൂടിയ ശക്തമായ മഴ. കൊല്ലം, ആലപ്പുഴ, തിരുവനന്തപുരം ജില്ലകളില് വൈകിട്ട് മൂന്നരയോടുകൂടി ശക്തമായ മഴയും ഇടിയും മിന്നലും ഉണ്ടായി. മെയ് 11 വരെ ഇടിമിന്നലോട് കൂടിയ ശക്തമായ മഴയ്ക്കും കാറ്റിനും സാദ്ധ്യതയുണ്ടെന്ന് കേന്ദ്ര കാലാവസ്ഥ വകുപ്പ് പറയുന്നു. മണിക്കൂറില് 30 മുതല് 40 കി. മീ വരെ വേഗതയില് കാറ്റ് വീശും.
അറബിക്കടലില് കന്യാകുമാരി മേഖലയിലും മാലിദ്വീപ് മേഖലയിലും അടുത്ത 24 മണിക്കൂറില്, 35 മുതല് 45 കി മി വേഗതയില് ശക്തമായ കാറ്റിനു സാദ്ധ്യതയുണ്ട്. മത്സ്യ തൊഴിലാളികള് മത്സ്യബന്ധനത്തിന് പോകരുത്. ഇടിമിന്നലിന് സാദ്ധ്യതയുള്ളതിനാല് മത്സ്യബന്ധനത്തില് ഏര്പ്പെടുന്ന മല്സ്യത്തൊഴിലാളികള് ഇടിമിന്നല് ഏല്ക്കാതിരിക്കാന് പ്രത്യേകം ശ്രദ്ധിക്കണമെന്നും കാലാവസ്ഥ നിരീക്ഷണ കേന്ദ്രം അറിയിച്ചു.
