ജിദ്ദ: കോവിഡ് 19 വൈറസ് വ്യാപനം തടയുന്നതിന്റെ ഭാഗമായി ജിദ്ദ നഗരത്തില് കൂടുതല് നിയന്ത്രണങ്ങള് ഏര്പ്പെടുത്തി. ഞായറാഴ്ച മുതല് നഗരത്തിലെ കര്ഫ്യു സമയം വൈകുന്നേരം മൂന്നു മുതല് രാവിലെ ആറ് വരെ 15 മണിക്കൂര് ആയിരിക്കുമെന്ന് ആഭ്യന്തര മന്ത്രാലയം അറിയിച്ചു. ഇതനുസരിച്ചു ജിദ്ദ ഭൂപരിധിയില് പ്രവേശിക്കുന്നതും പുറത്തേക്ക് പോകുന്നതും വിലക്കിയിട്ടുണ്ട്.
രാജ്യമാകെ നേരത്തെ പ്രഖ്യാപിച്ച കര്ഫ്യൂ കാലാവധി തീരുന്നത് വരെ പുതിയ സമയം നിലനില്ക്കും. നേരത്തെ പ്രഖ്യാപിച്ച ഭക്ഷണം, മെഡിക്കല് തുടങ്ങിയ അടിയന്തിര സര്വിസുകളെ കര്ഫ്യുവില് നിന്നും ഒഴിവാക്കിയിട്ടുണ്ട്.
