ദില്ലിയില്‍ ഭീകരാക്രമണത്തിന് സാദ്ധ്യതയെന്ന് റിപ്പോര്‍ട്ട് ; ജാഗ്രതാ നിര്‍ദ്ദേശം പുറപ്പെടുവിച്ചു

ദില്ലി : ദില്ലിയില്‍ ഭീകരാക്രമണത്തിന് സാദ്ധ്യതയുള്ളതായി റിപ്പോര്‍ട്ട്. റിപ്പോര്‍ട്ടിന്റെ അടിസ്ഥാനത്തില്‍ ദില്ലിയില്‍ അതീവ ജാഗ്രതാ നിര്‍ദ്ദേശം പുറപ്പെടുവിച്ചു. ദില്ലിയിലും പരിസര പ്രദേശങ്ങളിലും സുരക്ഷ ശക്തമാക്കിയിട്ടുണ്ട്.

ഭീകരാക്രമണത്തിന് പദ്ധതിയിട്ട് അഞ്ച് ഭീകരര്‍ ജമ്മു കാശ്മീരില്‍ നിന്നും പുറപ്പെട്ടിട്ടുണ്ടെന്നാണ് വിവരം. ട്രക്കിലാണ് ഇവര്‍ ദില്ലിയിലേക്ക് വരുന്നതെന്നും സൂചന ലഭിച്ചിട്ടുണ്ട്. ഇതിനോടകം തന്നെ ഭീകരരില്‍ ചിലര്‍ അതിര്‍ത്തി കടന്ന് ദില്ലിയില്‍ എത്തിയിട്ടുണ്ട്. മറ്റ് ഭീകരര്‍ അതിര്‍ത്തി കടക്കാന്‍ ശ്രമം നടത്തുകയാണെന്നും റിപ്പോര്‍ട്ടില്‍ പറയുന്നു. കാര്‍, ടാക്സി ബസ്, എന്നിവയില്‍ റോഡ് മാര്‍ഗ്ഗമാകും ഇവര്‍ ദില്ലിയിലേക്ക് വരുക.

വിവരത്തിന്റെ അടിസ്ഥാനത്തില്‍ നഗരത്തിലെ ഹോട്ടലുകള്‍ക്കും, വീടുകളിലും നിര്‍ദ്ദേശം നല്‍കിയിട്ടുണ്ട്. ജമ്മു കാശ്മീര്‍ രജിസ്ട്രേഷനിലുള്ള വാഹനങ്ങളും പരിശോധിക്കുന്നുണ്ട്. ബസ് സ്റ്റാന്റുകളിലും , റെയില്‍വേ സ്റ്റേഷനുകളും ജാഗ്രതാനിര്‍ദ്ദേശം നല്‍കിയിട്ടുണ്ട്.