ചെന്നൈ: നിസാമുദ്ദീന് സമ്മേളനത്തില് പങ്കെടുത്ത് ഒളിവില് കഴിയുകയായിരുന്ന പതിനൊന്ന് ബംഗ്ളാദേശികളെ പൊലീസ് അറസ്റ്റുചെയ്തു. തമിഴ്നാട്ടില് നിന്നാണ് ഇവര് പിടിയിലായത്. വിസാചട്ടങ്ങള് ലംഘിച്ചതിനാണ് ഇവര്ക്കെതിരെ കേസെടുത്തിരിക്കുന്നത്.ഇവര്ക്ക് കോവിഡ് ലക്ഷണങ്ങളുണ്ടോ എന്ന് വ്യക്തമല്ല.
നിസാമുദ്ദീന് സമ്മേളനത്തില് പങ്കെടുത്ത വിദേശികള് ഉള്പ്പെടെ നിരവധിപേര് രാജ്യത്തിന്റെ പലഭാഗത്തും ഒളിവില് കഴിയുന്നുണ്ടെന്നാണ് കരുതുന്നത്. മുംബയിലും ഡല്ഹിയിലും നേരത്തേ പൊലീസ് നടത്തിയ പരിശോധനയില് നിരവധിപേരെ കണ്ടെത്തിയിരുന്നു. ഇവരില് ചിലര്ക്ക് കോവിഡ് രോഗലക്ഷണങ്ങളുമുണ്ടായിരുന്നു.
മതസമ്മേളനത്തില് പങ്കെടുത്തവര് സ്വമേധയാ അധികൃതരെ അറിയിക്കണമെന്ന് ആവശ്യപ്പെട്ടിരുന്നുവെങ്കിലും ഏറെപ്പേരും ഇത് അനുസരിക്കുന്നില്ല.
