മദ്യപിച്ചാൽ കൊറോണയിൽനിന്ന് രക്ഷപെടാം: വ്യാജ സന്ദേശം പ്രചരിപ്പിച്ചയാളെ പൊക്കി

നേമം: മദ്യപിച്ചാൽ കൊറോണവൈറസിൽ നിന്ന് രക്ഷപെടാമെന്ന് വ്യാജ സന്ദേശം പ്രചരിപ്പിച്ചയാൾ അറസ്റ്റിൽ.

മദ്യപിച്ചാൽ വൈറസ് പകരുന്നത് തടയാമെന്ന് യുവാവ് സമൂഹമാധ്യമങ്ങളിലൂടെ പ്രചരിപ്പിച്ചിരുന്നു .
കരുമം ഇടഗ്രാമം സ്വദേശി മുകേഷിനെ(28)യാണ് നേമം പോലീസ് അറസ്റ്റ് ചെയ്തത്.

മുകേഷും സുഹൃത്തുക്കളും ചേർന്ന് മദ്യപിക്കുന്ന വീഡിയോയും പ്രചരിപ്പിച്ചിരുന്നു. ഇത് ശ്രദ്ധയിൽപ്പെട്ടതോടെയാണ് പോലീസ് മുകേഷിനെ അറസ്റ്റ് ചെയ്തത്. അറസ്റ്റ് രേഖപ്പെടുത്തിയ ശേഷം സ്റ്റേഷൻ ജാമ്യത്തിൽ ഇയാളെ വിട്ടയച്ചു.