തിരുവനന്തപുരം: നഗരസഭയും കുടുംബശ്രീയും ചേര്‍ന്നാരംഭിച്ച ജനകീയ ഹോട്ടല്‍ വഴി വിതരണം ചെയ്യുന്നത് വിഭവസമൃദ്ധമായ ഊണ്. ചോറും സാമ്പാറും തോരനും എരിശ്ശേരിയും അച്ചാറും കൂടിയുള്ള ഊണിന് 20 രൂപ മാത്രം .എസ്എംവി സ്‌കൂളിന് എതിര്‍വശമായി നഗരസഭയുടെ ഗോള്‍ഡന്‍ ജൂബിലി ബില്‍ഡിങില്‍ ഒരുക്കിയ ജനകീയ ഹോട്ടല്‍ പ്രവര്‍ത്തനമാരംഭിച്ചു.
ആദ്യദിനം തന്നെ 1000 ഊണാണ് ജനകീയ ഹോട്ടല്‍ വഴി വിതരണം നടത്തിയത് . ലോക്ക് ഡൗണ്‍ പശ്ചാത്തലത്തില്‍ 25 രൂപയ്ക്ക് ഊണ് വീടുകളില്‍ എത്തിച്ചു നല്‍കുന്നുണ്ട് . ഇതിനായി നഗരസഭയുടെ വോളന്റിയര്‍മാരും സഹായത്തിനുണ്ട് . ആവശ്യക്കാരുടെ എണ്ണമനുസരിച്ച് പ്രഭാതഭക്ഷണവും രാത്രിഭക്ഷണവും ആവശ്യമുള്ളപക്ഷം കുറഞ്ഞ നിരക്കില്‍ തന്നെ ജനകീയ ഹോട്ടല്‍ വഴി വിതരണം ചെയ്യും.
ജനകീയ ഹോട്ടല്‍ വഴി ഹോം ഡെലിവറി ആവശ്യമുള്ളവര്‍ തലേ ദിവസം 8 മണിക്ക് മുന്‍പായി ബുക്കിംഗ് നടത്തേണ്ടതാണ് . വിതരണ സൗകര്യത്തിനു വേണ്ടിയാണിത്. ബുക്കിംഗിനായുള്ള നമ്പറുകള്‍ മൂന്നില്‍ നിന്ന് ഏഴാക്കി വര്‍ദ്ധിപ്പിച്ചിട്ടുണ്ട് .
ആദ്യ ദിവസം ഓര്‍ഡര്‍ ശേഖരിക്കുന്നതിനായി നേരിട്ട തടസ്സം പരിഹരിക്കുന്നതിന്റെ ഭാഗമായാണിത് .സംസ്ഥാന സര്‍ക്കാരിന്റെ വിശപ്പ് രഹിത നഗരം പദ്ധതിയുടെ ഭാഗമായി നടപ്പിലാക്കുന്ന ജനകീയ ഹോട്ടലുകള്‍ക്കുവേണ്ടി നഗരസഭ 2020 – 21 ബഡ്ജറ്റില്‍ 3 കോടി രൂപ മാറ്റിവച്ചിട്ടുണ്ട്. നഗരത്തില്‍ 9 ഇടങ്ങളില്‍ കുടി ജനകീയ ഹോട്ടലുകള്‍ ആരംഭിക്കുകയാണ് ലക്ഷ്യം.
ഭക്ഷണം ഓര്‍ഡര്‍ ചെയ്യുന്നതിന് വിളിക്കേണ്ട നമ്പരുകള്‍: 7034001843 , 7012285498 , 6235740810 , 9061917457 , 7012827903 , 8129016079 , 8921663462
കൊച്ചി ;അവയവക്കടത്ത് കേസുമായി ബന്ധപ്പെട്ട് കൂടുതൽ വിവരങ്ങൾ പുറത്ത്. അറസ്റ്റിലായ സബിത്ത് രണ്ടാഴ്ച മുൻപ് പോലും അവയവ കച്ചവടത്തിനായി ആളുകളെ…
കോട്ടയം: ബിലിവേഴ്സ് ഈസ്റ്റേൺ സഭ പരമാദ്ധ്യക്ഷൻ അത്തനേഷ്യസ് യോഹാൻ മെത്രാപൊലീത്തയുടെ സംസ്കാരം ഇന്ന് നടക്കും. രാവിലെ 11 മണിക്ക് തിരുവല്ല…
മലയാളികളുടെ സ്വകാര്യ അഹങ്കാരമായ അഭിനയ ചക്രവര്‍ത്തി മോഹന്‍ലാലിന് ഇന്ന് 64-ാം പിറന്നാൾ. നാല് പതിറ്റാണ്ടിലേറെയായി മലയാളികളുടെ, മലയാള ചലച്ചിത്രാസ്വാദകരുടെ സിനിമാകാഴ്‌ചകൾക്ക്…
ദില്ലി: തനിക്കെതിരെ പ്രചരിപ്പിക്കുന്ന ഓരോ വ്യാജ ആരോപണങ്ങൾക്കും ആം ആദ്മി പാർട്ടി നേതാക്കളെ കോടതി കയറ്റുമെന്ന മുന്നറിയിപ്പുമായി ആം ആദ്മിയുടെ…