രാജ്യത്തെ സേവിക്കുന്ന സൈനികരെ ആദരിച്ച് രജൗരി ഗാർഡൻ മെട്രോ സ്റ്റേഷൻ ;‘വീരത ഔർ വികാസ്’ എന്ന പേരിൽ പ്രദർശനം സംഘടിപ്പിച്ചാണ് സൈനികരെ ആദരിക്കുന്നത്

ന്യൂഡൽഹി : ധീര സൈനികർക്ക് ആദരം അർപ്പിച്ച് രജൗരി ഗാർഡൻ മെട്രോ സ്റ്റേഷൻ. ‘വീരത ഔർ വികാസ്’ എന്ന പേരിൽ പ്രദർശനം സംഘടിപ്പിച്ചാണ് സൈനികരെ ആദരിക്കുന്നത്. സൈനികരുടെ ധീര കഥകളും ഡൽഹി മെട്രോയുടെ വളർച്ചയും ചിത്രീകരിക്കുന്ന പ്രദർശനത്തിനാണ് ഇന്ന് തുടക്കമാകുന്നത്.ഡൽഹി മെട്രോ സ്‌റ്റേഷന്റെ പിങ്ക് ലൈനിലെ സ്‌റ്റേഷന്റെ രണ്ടാമത്തെ ഗേയ്റ്റിലാണ് പ്രദർശനം സംഘടിപ്പിക്കുന്നതെന്ന് ഡൽഹി മെട്രോ റെയിൽ കോർപ്പറേഷൻ വ്യക്തമാക്കി.

ആധുനിക കാലത്തെ സുസ്ഥിര സാങ്കേതിക വിദ്യകൾ വഴി രാജ്യം പുരോഗതി കൈവരിക്കുകയാണ്. ജനങ്ങൾ ഒന്നിച്ച് നിന്നാൽ രാജ്യത്ത് വളരെ വലിയ മാറ്റങ്ങൾ സൃഷ്ടിക്കാൻ കഴിയുമെന്നതിന് ഉദാഹരണമാണ് ഇത്തരം വികസനങ്ങളെന്നും ഡിഎംആർസി വ്യക്തമാക്കി. അടിസ്ഥാന വികസന പദ്ധതികൾ മികച്ച രീതിയിൽ നടപ്പാക്കിയതിന്റെ ഉദാഹരണമാണ് ഡൽഹി മെട്രോയുടെ വളർച്ചയെന്നും കോർപ്പറേഷന്റെ പ്രസ്താവനയിൽ പറയുന്നു