വാഷിംഗ്ടണ് ഡിസി : ലോകത്താകെ കോവിഡ് ബാധിതരുടെ എണ്ണം 48 ലക്ഷത്തിലേക്ക് കടന്നു. ഇതുവരെ ലോകവ്യാപകമായി 47,99,266 പേര്ക്കാണ് രോഗം ബാധിച്ചിട്ടുള്ളതെന്നാണ് ഔദ്യോഗിക കണക്കുകള്. 3,16,519 പേര്ക്കാണ് വൈറസ് ബാധയേത്തുടര്ന്ന് ജീവന് നഷ്ടമായത്.18,56,566 പേര്ക്ക് മാത്രമാണ് ഇതുവരെ രോഗമുക്തി നേടാനായത്.
ഏറ്റവും കൂടുതല് രോഗബാധിതരുള്ള യു.എസില് സ്ഥിതി ഗുരുതരമായി തുടരുകയാണ്. ഇന്നലെ 19,891 പേര്ക്ക് കൂടി യു.എസില് രോഗം സ്ഥിരീകരിച്ചു. 865 പേര് കൂടി മരിച്ചതോടെ ആകെ മരണം 90,978 ആയി. ആകെ 15.27 ലക്ഷം പേര്ക്കാണ് യു.എസില് കോവിഡ് ബാധിച്ചത്. രോഗികളുടെ എണ്ണത്തില് രണ്ടാമതുള്ള റഷ്യയില് 2.81 ലക്ഷം പേര്ക്കാണ് കോവിഡ് ബാധ. ഇന്നലെ 9709 പേര്ക്ക് സ്ഥിരീകരിച്ചു. 94 പേര് കൂടി മരിച്ചതോടെ ആകെ മരണം റഷ്യയില് 2631 ആയി.
കോവിഡ് കനത്ത നാശം വിതച്ച യൂറോപ്യന് രാജ്യങ്ങളായ ഇറ്റലി, സ്പെയിന്, യു.കെ എന്നിവിടങ്ങളില് മരണസംഖ്യക്ക് കുറവുവന്നത് ആശ്വാസത്തിനിടയാക്കി. സ്പെയിനില് 87, ഇറ്റലിയില് 145, യു.കെയില് 170 എന്നിങ്ങനെയാണ് ഇന്നലെ മരണം. അതേസമയം, ഫ്രാന്സില് 483 പേര് കൂടി മരിച്ച് ആകെ മരണം 28,000 കടന്നു. വിവിധ രാജ്യങ്ങളിലെ രോഗബാധിതരുടെ എണ്ണം അമേരിക്ക- 15,27,664, റഷ്യ- 2,81,752, സ്പെയിന്- 2,77,719, ബ്രിട്ടന്- 2,43,695, ബ്രസീല്- 2,41,080, ഇറ്റലി- 2,25,435, ഫ്രാന്സ്- 1,79,569, ജര്മനി- 1,76,651, തുര്ക്കി- 1,49,435, ഇറാന്- 1,20,198, ഇന്ത്യ- 95,698. അമേരിക്കയില് മരിച്ചവരുടെ എണ്ണം – 90,978, റഷ്യ- 2,631, സ്പെയിന്- 27,650, ബ്രിട്ടന്- 34,636, ബ്രസീല്- 16,118, ഇറ്റലി- 31,908, ഫ്രാന്സ്- 28,108, ജര്മനി- 8,049, തുര്ക്കി- 4,140, ഇറാന്- 6,988, ഇന്ത്യ- 3,025.
