പുതിയ ചെരിപ്പ് വാങ്ങിക്കൊടുത്തില്ല; പത്തുവയസ്സുകാരൻ തൂങ്ങി മരിച്ച നിലയിൽ

ഔ​റം​ഗബാദ്: പുതിയ ചെരിപ്പ് വാങ്ങിക്കൊടുക്കാത്തതിനെ തുടർന്ന് പത്തുവയസ്സുകാരൻ തൂങ്ങി മരിച്ച നിലയിൽ.മഹാരാഷ്ട്രയിലെ ബീഡ് ജില്ലയിൽ തിങ്കളാഴ്ച ഉച്ചയോടെയാണ് കുട്ടി ജീവനൊടുക്കിയത്.
കുട്ടി അമ്മയുടെ മാതാപിതാക്കൾക്കൊപ്പമാണ് താമസിച്ചിരുന്നത്. കുട്ടിയുടെ മാതാപിതാക്കൾ അയൽ​​ഗ്രാമത്തിലാണുള്ളത്. ഇവർ കർഷകരാണ്. തിങ്കളാഴ്ച കുട്ടി പുതിയ ചെരിപ്പ് വേണമെന്ന് ആവശ്യപ്പെട്ടു. എന്നാൽ മുത്തശ്ശനും മുത്തശ്ശിയും ആവശ്യം അം​ഗീകരിച്ചില്ല.

തുടർന്ന് താൻ മാതാപിതാക്കളുടെ വീട്ടിൽ പോകുകയാണെന്ന് കുട്ടി ഇവരോട് പറഞ്ഞതായി പോലീസ് ഉദ്യോഗസ്ഥർ വെളിപ്പെടുത്തി. മാതാപിതാക്കളുടെ വീട്ടിലേക്കുള്ള യാത്രാമധ്യേയാണ് കുട്ടി മരത്തിൽ തൂങ്ങി മരിച്ചതെന്നാണ് പ്രാഥമിക അന്വേഷണത്തിൽ വ്യക്തമായതെന്നും പോലീസ് അറിയിച്ചു. സംഭവത്തെക്കുറിച്ച് അന്വേഷണം പ്രഖ്യാപിച്ചതായും പോലീസ് കൂട്ടിച്ചേർത്തു.