10 വയസ്സുകാരിയെ ബലമായി ചുംബിച്ചു: മതപണ്ഡിതനെ കെട്ടിയിട്ട് തല്ലിച്ചതച്ച് നാട്ടുകാര്‍

മുംബൈ: 10 വയസുകാരിയെ പണം നല്‍കാമെന്ന് പറഞ്ഞ് ശ്മശാനത്തിലെത്തിച്ച് ചുംബിച്ച മുസ്ലീം മതപണ്ഡിതനെ നാട്ടുകാർ കെട്ടിയിട്ട് മര്‍ദ്ദിച്ചു. മഹാരാഷ്‌ട്രയിലെ പാല്‍ഘര്‍ ജില്ലയിലെ വസായ് മേഖലയിയിലാണ് സംഭവം.

പണം നല്‍കാമെന്നും പറഞ്ഞ് ശ്മശാനത്തിലേക്ക് കുട്ടിയെ കൂട്ടികൊണ്ടു പോകുകയും അവിടെവച്ചു ചുംബിക്കുകയും ചെയ്യുകയായിരുന്നു. ഇതേത്തുടർന്നാണ് നൂറുള്ള അഷ്‌റഫ് അലി ഷെയ്ഖിനെ നാട്ടുകാർ മർദിച്ചത്.

ഞായറാഴ്ച രാവിലെ 10 മണിയോടെ അടുത്തുള്ള കടയില്‍ പോയ പെൺകുട്ടിയെ പണം നല്‍കാമെന്ന് പറഞ്ഞ് ശ്മശാനത്തിലേക്ക് കൊണ്ടുപോക്കുകയായിരുന്നു ഇയാൾ. എന്നാൽ ഇതിന് ശേഷം പെണ്‍കുട്ടിയെ ചുംബിച്ചു. സംഭവമറിഞ്ഞ നാട്ടുകാര്‍ ഇയാളെ പിടികൂടി കെട്ടിയിട്ട് മര്‍ദ്ദിച്ച്‌ പോലീസ് സ്റ്റേഷനിലേക്ക് വലിച്ചിഴച്ചു.

ഇതിനു പിന്നാലെ കുറ്റം സമ്മതിക്കുന്ന പ്രതിയുടെ വീഡിയോ നാട്ടുകാർ ചിത്രീകരിച്ചിരുന്നു. വീഡിയോ വൈറലായതോടെ പോലീസ് പോക്‌സോ നിയമപ്രകാരം പീഡനത്തിന് കേസെടുത്ത് പ്രതിയെ അറസ്റ്റ് ചെയ്തു.