ഖത്തർ : ലോകകപ്പ് ഫുട്ബോള് കിരീടം നേടുന്ന ടീം നേടുന്നത് വമ്പന് സമ്മാനം. അഭിമാനനേട്ടത്തിനൊപ്പം കോടിക്കണക്കിന് രൂപയാണ് ടീമിന് ലഭിക്കുക. വിജയികൾക്ക് 42 മില്ല്യണ് ഡോളര് (ഏകദേശം 347 കോടി ഇന്ത്യൻ രൂപ) ലഭിക്കും.
രണ്ടാം സ്ഥാനക്കാര്ക്ക് സമ്മാനമായി 30 മില്ല്യണ് ഡോളര് (248 കോടി രൂപ) ലഭിക്കും.
മൂന്നാം സ്ഥാനത്തെത്തിയ ക്രൊയേഷ്യക്ക് 27 മില്ല്യണ് ഡോളറും (223 കോടി രൂപ), നാലാം സ്ഥാനത്തെത്തിയ മൊറോക്കോയ്ക്ക് 25 മില്ല്യണ് ഡോളറും (206 കോടി രൂപ) സമ്മാനമായി ലഭിക്കും.
ക്വാര്ട്ടറിലെത്തിയ ബ്രസീല്, നെതര്ലന്ഡ്സ്, ഇംഗ്ലണ്ട്, പോര്ച്ചുഗല് എന്നീ ടീമുകള്ക്ക് 17 മില്ല്യണ് ഡോളർ(140 കോടി രൂപ) വീതം ലഭിച്ചു. പ്രീ ക്വാര്ട്ടര് കളിച്ച സെനഗല്, ഓസ്ട്രേലിയ, പോളണ്ട്, ജപ്പാന്, സ്പെയിന്, ദക്ഷിണ കൊറിയ, സ്വിറ്റ്സര്ലന്ഡ്, യുഎസ്എ എന്നീ ടീമുകള്ക്ക് 13 മില്ല്യണ് ഡോളര് (107 കോടി രൂപ) വീതം ലഭിച്ചു.
ഖത്തര്, ഇക്വഡോര്, മെക്സിക്കോ, വെയ്ല്സ്, സൗദി അറേബ്യ, ടുണീഷ്യ, കാനഡ, ഡെന്മാര്ക്ക്, ബെല്ജിയം, കോസ്റ്ററിക്ക, ജര്മനി, ഘാന, യുറഗ്വായ്, സെര്ബിയ, കാമറൂണ്, ഇറാന് എന്നീ ടീമുകള്ക്ക് ലഭിച്ചത് ഒമ്പത് മില്ല്യണ് ഡോളറാണ്. അതായത് ഏകദേശം 74 കോടി രൂപ. ഈ ടീമുകൾ ഗ്രൂപ്പ് ഘട്ടത്തിൽ തന്നെ പുറത്തായവരാണ് .
