മഡ്രിഡ്: പുതുസീസണിന് മുന്നോടിയായി റിയല്‍ മഡ്രിഡ് താരങ്ങളെ വാങ്ങിക്കൂട്ടുന്നത് തുടരുന്നു. പരിശീലകസ്ഥാനത്ത് തിരിച്ചെത്തിയ സിനദിന്‍ സിദാന്റെ മേല്‍നോട്ടത്തില്‍ ടീം അഴിച്ചുപണിയുന്നതിന്റെ ഭാഗമായി കൈമാറ്റജാലകത്തില്‍ വന്‍ തുകയാണ് റിയല്‍ ചെലവഴിക്കുന്നത്. അഞ്ച് താരങ്ങള്‍ക്കായി 32 കോടി യൂറോ ഇതുവരെ (ഏകദേശം 2500 കോടി രൂപ) റയല്‍ ചെലവഴിച്ചത്. ഒളിമ്പിക് ലിയോണില്‍നിന്ന് ഫ്രഞ്ച് ഡിഫന്‍ഡര്‍ ഫെര്‍ലാന്‍ഡ് മെന്‍ഡിയാണ് പുതുതായി ടീമിലെത്തിയത്.
പുതിയ സീസണിന് മുന്നോടിയായി റിയല്‍ പ്രസിഡന്‍റ് ഫ്ലോറന്‍റീനോ പെരസ് ടീമിലെത്തിക്കുന്ന അഞ്ചാമത്തെ താരമാണ് മെന്‍ഡി. ഇംഗ്ലീഷ് ക്ലബ് ചെല്‍സിയില്‍നിന്ന് ഏഡന്‍ ഹസാഡ് (785 കോടി), ജര്‍മനിയിലെ എയ്ന്‍ട്രാക്ട് ഫ്രാങ്ക്ഫര്‍ട്ടില്‍നിന്ന് ലൂക യോവിച് (510 കോടി), ബ്രസീല്‍ ടീം സാേന്‍റാസില്‍നിന്ന് റോഡ്രിഗോ ഗോയസ് (423 കോടി), പോര്‍ചുഗീസ് ക്ലബ് പോര്‍ട്ടോയില്‍നിന്ന് എഡര്‍ മിലിറ്റാവോ (392 കോടി) എന്നിവരാണ് മറ്റുള്ളവര്‍.
ഇടതു വിങ്ബാക്ക് സ്ഥാനത്ത് മാഴ്സലോക്ക് പിന്തുടര്‍ച്ചക്കാരനാകാന്‍ കൊണ്ടുവരുന്ന മെന്‍ഡിക്കായി 4.8 കോടി യൂറോയാണ് (ഏകദേശം 376 കോടി രൂപ) റയല്‍ ചെലവിട്ടത്. ആറു വര്‍ഷത്തേക്കാണ് 24കാരനുമായുള്ള കരാര്‍. ലിയോണിനായി കഴിഞ്ഞ രണ്ടു സീസണുകളിലായി 57 മത്സരം കളിച്ചിട്ടുള്ള മെന്‍ഡി രണ്ടു ഗോളുകള്‍ നേടിയിട്ടുണ്ട്. അടുത്തിടെ ഫ്രാന്‍സിനായും അരങ്ങേറിയ താരം മൂന്നു മത്സരങ്ങള്‍ കളിച്ചു.
വന്‍ തുക മുടക്കി അഞ്ച് താരങ്ങളെ ടീമിലെത്തിച്ചെങ്കിലും പ്രമുഖ താരങ്ങളെ ആരെയും റിയല്‍ ഇതുവരെ കൈവിട്ടിട്ടില്ല. സൂപ്പര്‍ താരം ഗാരത് ബെയ്ല്‍, ലോക ഫുട്ബോളര്‍ ലൂക മോഡ്രിച് തുടങ്ങിയവരും മറ്റു ചില താരങ്ങളും ക്ലബിന് പുറത്തേക്കുള്ള വഴിയിലാണെന്നാണ് റിപ്പോര്‍ട്ട്.
ഏഡന്‍ ഹസാഡ്785 കോടി
ലൂക യോവിച് 510 കോടി
റോഡ്രിഗോ ഗോയസ് 423 കോടി
എഡര്‍ മിലിറ്റാവോ 392 കോടി
ഫെര്‍ലാന്‍ഡ് മെന്‍ഡി 376 കോടി
ലോക്‌സഭാ തെരഞ്ഞെടുപ്പിൻ്റെ ഫണ്ട് സ്വന്തം പാര്‍ട്ടിക്കാര്‍ മുക്കിയെന്ന ആരോപണവുമായി കാസർഗോഡ് മണ്ഡലത്തിലെ സിറ്റിംഗ് എംപിയും സ്ഥാനാർത്ഥിയുമായ രാജ്മോഹൻ ഉണ്ണിത്താൻ. മണ്ഡലത്തിൽ…
ധർമ്മവും നീതിയും ന്യായവും സദ്ഗുണവുമായ എല്ലാത്തിനു വേണ്ടി നില കൊള്ളുന്നുവെന്നും ഇതിഹാസത്തിലെ വ്യത്യസ്ത സാഹചര്യങ്ങളിൽ ധർമ്മം അതിൻ്റെ സാന്നിധ്യം അറിയിച്ചിരുന്നുവെന്നും…
തിരുവനന്തപുരം : മോശം കാലാവസ്ഥ കണക്കിലെടുത്ത് കേരളാ തീരത്ത് മത്സ്യബന്ധനത്തിന് വിലക്ക്. ഇനിയൊരു അറിയിപ്പുണ്ടാകും വരെ കേരളാ തീരത്ത് മത്സ്യബന്ധനം…
ദില്ലി : ബിജെപി വീണ്ടും അധികാരത്തിൽ എത്തിയാൽ നരേന്ദ്ര മോദി പ്രധാനമന്ത്രിയാകുമോ എന്ന ചോദ്യമാണ് രാഷ്ട്രീയ ലോകം ചർച്ച ചെയ്യുന്നത്.…
ഇസ്ലാമിസ്റ്റും വർഗീയ പരാമർശങ്ങളിലൂടെ കുപ്രസിദ്ധനുമായ സാക്കിർ നായിക്കിനെ ഇന്ത്യയുടെ ചക്രവർത്തിയായി പ്രഖ്യാപിക്കണമെന്ന ആവശ്യവുമായി പാകിസ്ഥാൻ മൗലവി. സമൂഹ മാദ്ധ്യമങ്ങളിൽ പ്രചരിച്ച…