തിരഞ്ഞെടുപ്പിലെ തോല്വിയോടെ കോണ്ഗ്രസ് നേരിടുന്ന വിമർശനങ്ങൾ ചെറുതൊന്നുമല്ല. പാര്ട്ടി നേതൃത്വം തന്നെ പൊളിച്ചെഴുതണമെന്നും, കോൺഗ്രസ്സ് തലപ്പത്തുനിന്നും ഗാന്ധി കുടുംബം മാറി നിൽക്കണമെന്നും ആണ് രാഷ്ട്രീയ നിരീക്ഷരുടെ അഭിപ്രായങ്ങൾ.
രാഹുൽ തെറ്റുകൾ മനസ്സിലാക്കി പാഠം പഠിക്കാൻ കഴിവുള്ളയാളാണെന്ന് തോന്നുന്നില്ലെന്നും, യുപിയ്ക്ക് പുതുജീവന് നല്കുമെന്നു പറഞ്ഞ പ്രിയങ്ക ഉള്ള ജീവന് കൂടി ഊതിക്കെടുത്തുകയാണെന്നും കേന്ദ്ര മന്ത്രി സ്മൃതി ഇറാനി. പരാജയപ്പെട്ട നേതാക്കളാണ് കോൺഗ്രസ്സ് നേതൃസ്ഥാനത്തുള്ളവരെന്നും ഇവരെയെല്ലാം മാറ്റി ജനങ്ങൾ ആഗ്രഹിക്കുന്നവരും, അര്ഹതയുള്ളവരും പാര്ട്ടി നേതൃത്വം ഏറ്റെടുക്കണമെന്ന് പ്രവർത്തകർ പോലും തിരഞ്ഞെടുപ്പിന് മുന്പ് തന്നെ ആവശ്യപ്പെട്ടിരുന്നു. പാര്ട്ടി ഇതിനെ മൗനമായി നേരിടുകയാണ് ഉണ്ടായത്.

