കൊച്ചി: ഹെയര് ട്രാന്സ്പ്ലാന്റേഷന് ശസ്ത്രക്രിയയ്ക്ക് വിധേയനായ യുവാവ് ഗുരുതരാവസ്ഥയിൽ ആശുപത്രിയിൽ. എളമക്കര കീര്ത്തിനഗറില് താമസിക്കുന്ന ചെറായി ചെറു പറമ്പില് സനില് (49) ആണ് അണുബാധയെ തുടര്ന്ന് ചികിത്സയില് കഴിയുന്നത്. പനമ്പിള്ളിനഗറിലെ ഒരു ക്ലിനിക്കിലാണ് സനിൽ ഹെയർ ട്രാന്സ്പ്ലാന്റേഷന് ശസ്ത്രക്രിയയ്ക്ക് വിധേയനായത്. ഫെബ്രുവരി 26, 27 തീയതികളിലാണ് യുവാവ് ഹെയര് ട്രാന്സ്പ്ലാന്റേഷന് വിധേയനായത്. [പിന്നാലെ തലയില് വേദനയും ചൊറിച്ചിലും അനുഭവപ്പെട്ടു.
വിവരം സ്ഥാപനത്തെ അറിച്ചപ്പോൾ വേദന സംഹാരി ഗുളികകള് നല്കി യുവാവിനെ സ്ഥാപനം മടക്കി അയയ്ക്കുകയയിരുന്നു. സ്ഥിതി വഷളായതോടെ സനില് എറണാകുളത്തെ ആശുപത്രിയില് ചികിത്സ തേടി. പരിശോധനയില് മുടിവച്ചുപിടിപ്പിച്ച ഭാഗത്ത് ഗുരുതരമായ അണുബാധ കണ്ടെത്തുകയായിരുന്നു.
തലയിലെ തൊലി നഷ്ടപ്പെടുകയും പഴുപ്പ് നിറയുകയും ചെയ്തു. യുവാവ് ഇതിനകം നിരവധി ശസ്ത്രക്രിയകള്ക്ക് വിധേയനായി. ഇപ്പോള് തലയിലെ പഴുപ്പ് വലിച്ചെടുക്കുന്നതിന് പ്രത്യേക ഉപകരണം ഘടിപ്പിച്ചിട്ടുണ്ട്. പനമ്പള്ളി നഗറിലെ സ്ഥാപനത്തിനെതിരെ യുവാവ് നിയമ നടപടികള്ക്കൊരുങ്ങിയതോടെ ഉടമ ക്ലിനിക് പൂട്ടി മുങ്ങിയിരിക്കുകയാണ് എന്നാണ് വിവരം .
