നൈജര്: നൈജീരിയന് തീരത്ത് കടല്ക്കൊള്ളക്കാര് തട്ടിക്കൊണ്ടുപോയ ഹോങ് കോങ് കപ്പലില് 18 ഇന്ത്യന് ജീവനക്കാരും. മേഖലയില് കപ്പലുകളുടെ നീക്കം നിരീക്ഷിക്കുന്ന ഏജന്സിയായ എ.ആര്.എക്സ്. മാരിടൈം ആണ് ഇക്കാര്യം അറിയിച്ചത്.
വിവരം അറിഞ്ഞയുടനെ നൈജീരിയയിലെ ഇന്ത്യന് സ്ഥാനപതികാര്യാലയം നൈജീരിയന് അധികൃതരുടെ സഹായംതേടി. ഇന്ത്യക്കാരെ രക്ഷിക്കാന് അവശ്യമായ നടപടികള് സ്വീകരിച്ചതായി അധികൃതര് പറഞ്ഞു.
19 പേരാണ് കപ്പലിലുണ്ടായിരുന്നത്. ചൊവ്വാഴ്ചയാണ് കപ്പല് തട്ടിക്കൊണ്ടുപോയതെന്ന് ഏജന്സി വെബ്സൈറ്റില് പറയുന്നു.