പഹല്ഗാം ഭീകരാക്രമണത്തിന്റെ പശ്ചാത്തലത്തിൽ സുരക്ഷാ കാര്യങ്ങള്ക്കായുള്ള മന്ത്രിസഭാ സമിതി യോഗം പ്രധാനമന്ത്രി നരേന്ദ്രമോദിയുടെ വസതിയില് പുരോഗമിക്കുന്നു. ജമ്മു കശ്മീരിലെ നിലവിലെ സുരക്ഷാ സാഹചര്യം യോഗം വിലയിരുത്തും. ആക്രണത്തിന്റെ പശ്ചാത്തലത്തില് സ്വീകരിക്കേണ്ട സൈനിക-നയതന്ത്ര നടപടികള് സംബന്ധിച്ച് യോഗത്തില് നിര്ണായക തീരുമാനമുണ്ടാകുമെന്നാണ് കരുതുന്നത്.
സമിതിയുടെ ഭാഗമായ പ്രതിരോധ മന്ത്രി രാജ്നാഥ് സിംഗ്, കേന്ദ്ര ആഭ്യന്തര മന്ത്രി അമിത് ഷാ, ധനമന്ത്രി നിര്മ്മല സീതാരാമന്, വിദേശകാര്യ മന്ത്രി എസ്. ജയശങ്കര് ദേശീയ സുരക്ഷാ ഉപദേഷ്ടാവ്, കാബിനറ്റ് സെക്രട്ടറി, പ്രതിരോധ സെക്രട്ടറി എന്നിവരാണ് യോഗത്തിൽ പങ്കെടുക്കുന്നത്.
മേഖലയിലെ സുരക്ഷാ സാഹചര്യം ചര്ച്ച ചെയ്യാന് പ്രതിരോധ മന്ത്രി രാജ്നാഥ് സിംഗ് ഇന്ന് അജിത് ഡോവല്, വ്യോമസേനാ മേധാവി മറ്റ് ഉദ്യോഗസ്ഥര് എന്നിവരുമായി ചര്ച്ച നടത്തിയിരുന്നു
