ധും ധും ധും ദുന്ദുഭി നാദം… ഗുജറാത്തിൽ വേനലിൽ വരണ്ടുണങ്ങിയ പാടത്ത് വെള്ളം നിറഞ്ഞതിന്റെ സന്തോഷത്തിൽ നൃത്തം ചവിട്ടി കർഷകരായ അച്ഛനും മകനും! വീഡിയോ വൈറൽ ; സംസ്ഥാനത്ത് കാലവർഷം തകർക്കുന്നു!

കാലവർഷം ഗുജറാത്തിലുടനീളം തകർത്തു പെയ്തുകൊണ്ടിരിക്കെ കച്ചിൽ നിന്നുള്ള ഹൃദയസ്പർശിയായ വീഡിയോ സമൂഹ മാദ്ധ്യമങ്ങളിൽ വൈറലാകുന്നു . ജൂലൈ 23 ന് പോസ്റ്റ് ചെയ്യപ്പെട്ട വീഡിയോയിൽ മഴയിൽ കുതിർന്ന വയലിൽ സന്തോഷത്തോടെ നൃത്തം ചെയ്യുന്ന അച്ഛനെയും മകനെയുമാണ് കാണാൻ സാധിക്കുന്നത്.

വീഡിയോയിൽ, പരമ്പരാഗത വെളുത്ത ധോത്തിയും വസ്ത്രവും ധരിച്ച ഒരു വൃദ്ധനും കറുത്ത ടീ-ഷർട്ടും ജോഗറും ധരിച്ച ചെറുപ്പക്കാരനും ആവേശത്തോടെ നൃത്തം ചെയ്യുന്നതായി കാണാം. ഒരു ഗുജറാത്തി ഗാനം പശ്ചാത്തലത്തിൽ കേൾക്കാനും സാധിക്കുന്നുണ്ട്. എങ്കിലും പ്രദേശത്ത് വെള്ളപ്പൊക്കത്തിന്റെ സാധ്യതയും നമുക്ക് വീഡിയോയിൽ കാണാം.

കടുത്ത വേനലിൽ കൃഷിയിടം വരണ്ടുപോയ കർഷകർക്ക് മഴ നൽകുന്ന സന്തോഷത്തിൻ്റെയും ആശ്വാസത്തിൻ്റെയും പ്രതീകമായാണ് അച്ഛൻ-മകൻ ജോഡികളുടെ നൃത്തത്തെ സോഷ്യൽ മീഡിയ വിലയിരുത്തുന്നത്. എക്സ് പ്ലാറ്റ്ഫോമിൽ വീഡിയോ നിലവിൽ 220.3K കാഴ്ചകൾ നേടുകയും നിരവധി പ്രതികരണങ്ങൾ നേടുകയും ചെയ്തു. പ്രതികൂല സാഹചര്യങ്ങൾക്കിടയിലും ഇത്തരമൊരു നല്ല ആഘോഷം കണ്ടതിൽ കാഴ്ചക്കാർ സന്തോഷം പ്രകടിപ്പിച്ചു