യുഎഇ സ്വദേശിയും അബുദാബി രാജകുടുംബത്തിലെ ജീവനക്കാരനുമാണെന്ന വ്യാജേന ദില്ലിയിലെ പഞ്ച നക്ഷത്ര ഹോട്ടലിൽ മുറിയെടുത്തു;23 ലക്ഷം രൂപയുടെ ബില്ല് അടക്കത്തെ മുങ്ങിയ മുഹമ്മദ് ഷരീഫ് അറസ്റ്റിൽ

ദില്ലി : പഞ്ച നക്ഷത്ര ഹോട്ടലിൽ മുറിയെടുത്ത്23.46 ലക്ഷം രൂപയുടെ ബിൽ അടയ്ക്കാതെ മുങ്ങിയയാൾ അറസ്റ്റിൽ. കർണാടകയിലെ ദക്ഷിണ കന്നഡ സ്വദേശിയായ മുഹമ്മദ് ഷരീഫ് ആണ് യുഎഇ സ്വദേശിയും അബുദാബി രാജകുടുംബത്തിലെ ജീവനക്കാരനുമാണെന്ന വ്യാജേന ദില്ലിയിലെ പഞ്ച നക്ഷത്ര ഹോട്ടലിൽ മുറിയെടുത്തത്.കഴിഞ്ഞ വർഷം വ്യാജ ബിസിനസ് കാർഡ് ഹാജരാക്കി ലീല പാലസ് ഹോട്ടലിൽ മൂന്ന് മാസത്തോളമാണ് ഇയാൾ താമസിച്ചത്. ബില്ല് അടച്ചിച്ചില്ലെന്ന് മാത്രമല്ല മുറിയിലെ വിലപിടിപ്പുള്ള സാധനങ്ങളുമായാണ് ഇയാൾ മുങ്ങിയത്. 

ഹോട്ടൽ മാനേജർ അനുപം ദാസ് ഗുപ്തയുടെ പരാതിയിൽ ജനുവരി 14ന് സരോജിനി നഗർ പോലീസ് കേസെടുക്കുകയായിരുന്നു. നവംബർ 20ന് 20 ലക്ഷം രൂപയുടെ ചെക്ക് നൽകിയെങ്കിലും അക്കൗണ്ടിൽ മതിയായ പണമില്ലാത്തതിനാൽ ചെക്ക് മടങ്ങി. അന്വേഷണത്തിൽ ഷെരീഫ് ഹോട്ടലിൽ നൽകിയ രേഖകൾ വ്യാജമാണെന്ന് കണ്ടെത്തുകയും ചെയ്തു.