സ്വര്‍ണഖനി ഇടപാടുമായുള്ള തര്‍ക്കം കലാശിച്ചത് ആക്രമണത്തിൽ; ആലുവ സ്വദേശിയെ മൂന്നംഗ സംഘം തട്ടിക്കൊണ്ടുപോയി മർദ്ദിച്ചു, ആക്രമിച്ചശേഷം വെള്ളക്കിണറില്‍ ഉപേക്ഷിച്ചെന്ന് പരാതി

കൊച്ചി: സ്വര്‍ണഖനി ഇടപാടുമായി തര്‍ക്കം കലാശിച്ചത് ആക്രമണത്തിൽ. യുവാവിനെ തട്ടികൊണ്ടുപോയി മര്‍ദിച്ചതായി പരാതി. ആലുവ സ്വദേശി ബിലാലിനെയാണ് മൂന്നംഗ തട്ടിക്കൊണ്ടുപോയി ക്രൂരമായി മർദ്ദിച്ചത്. മർദ്ദനശേഷം ആലപ്പുഴ വെള്ളക്കിണറില്‍ ഉപേക്ഷിച്ചുവെന്നും യുവാവ് പോലീസിനോട് പറഞ്ഞു. മർദ്ദനത്തിൽ യുവാവിന്റെ കാലിന്റെ എല്ലൊടിഞ്ഞതായും ആരോഗ്യ പരിശോധനയിൽ വ്യക്തമായിട്ടുണ്ട്.

ക്വട്ടേഷൻ സംഘമാണ് യുവാവിനെ തട്ടിക്കൊണ്ടുപോയതെന്നാണ് യുവാവിന്‍റെ കുടുംബം ആരോപിക്കുന്നത്. എഡ്വിൻ ജോൺസൻ എന്നയാളാണ് ക്വട്ടേഷൻ നൽകിയതെന്നും കൊലപ്പെടുത്താനാണ് ക്വട്ടേഷൻ നൽകിയതെന്നും യുവാവിന്‍റെ ബന്ധു ഏഷ്യാനെറ്റ് ന്യൂസിനോട് പറഞ്ഞു. എന്നാല്‍, പണമിടപാട് തര്‍ക്കത്തെ തുടര്‍ന്നാണ് മര്‍ദ്ദനമെന്ന് പൊലീസ് പറയുന്നു.