ആൺകുട്ടികളുടെ ചേലാകർമ്മം കുട്ടികൾക്ക് നേരെയുള്ള ആക്രമണം, നിയമവിരുദ്ധമായി പ്രഖ്യാപിക്കണമെന്നാവശ്യപ്പെട്ട ഹർജി ഹൈക്കോടതിയിൽ

കൊച്ചി: ആൺകുട്ടികളുടെ ചേലാകർമ്മം നിയമവിരുദ്ധമായി പ്രഖ്യാപിക്കണം എന്നാവശ്യപ്പട്ടുകൊണ്ടുള്ള പൊതു താത്പര്യ ഹർജി ഹൈക്കോടതിയിൽ . യുക്തിവാദ സംഘടനയായ നോൺ റിലീജിയസ് സിറ്റിസൺസ് ആണ് ഈ ആവശ്യവുമായി ഹൈകോടതിയെ സമീപിച്ചത്. 18 വയസിന് താഴെ ഉള്ള കുട്ടികളുടെ ചേലാകർമ്മം അനുവദിക്കരുതെന്നും മാതാപിതാക്കളുടെ അന്ധമായ മതവിശ്വാസങ്ങൾ കുട്ടികളിൽ അടിച്ചേൽപ്പിക്കുകയാണ് ഇതിന്റെ ഉദ്ദേശം എന്നാണ് ഹർജിക്കാർ ആരോപിക്കുന്നത്.

ചേലാകർമ്മം നിയമവിരുദ്ധമാണെന്ന് ഹർജിയിൽ പറയുന്നുണ്ട്. ഈ പ്രവൃത്തി കുട്ടികൾക്ക് നേരെയുള്ള ആക്രമണം ആണെന്നും ഇവർ പറയുന്നു. അന്താരാഷ്ട്ര നിയമങ്ങളുടെ ലംഘനമാണിതെന്നും ഹർജിയിൽ ചൂണ്ടിക്കാട്ടി. അടുത്തയാഴ്ച ചീഫ് ജസ്റ്റിസ് ഉൾപ്പെടുന്ന ഡിവിഷൻ ബെഞ്ച് ഹർജി പരിഗണിക്കും