കല്പ്പറ്റ: വയനാട്ടിലെ ഉരുള്പൊട്ടൽ ദുരന്ത ഭൂമിയിലെസന്ദർശനത്തിന് ശേഷം പ്രധാനമന്ത്രി നരേന്ദ്രമോദി പങ്കെടുക്കുന്ന അവലോകന യോഗം കളക്ട്രേറ്റിൽ ആരംഭിച്ചു. ദുരന്തത്തിൽ പരിക്കേറ്റ് മേപ്പാടിയിലെ വിംസ് ആശുപത്രിയിൽ ചികിത്സയിലുള്ളവരെ സന്ദർശിച്ച ശേഷമാണ് അദ്ദേഹം അവലോകനയോഗത്തിൽ പങ്കെടുക്കാൻ കൽപ്പറ്റയിലേക്ക് തിരിച്ചത്.
നേരത്തെ മേപ്പാടി ചൂരൽമലയിലെ ദുരന്തഭൂമി സന്ദര്ശിച്ചശേഷം പ്രധാനമന്ത്രി മേപ്പാടി സെന്റ് ജോസഫ്സ് സ്കൂളിലെ ദുരിതാശ്വാസ ക്യാമ്പും സന്ദർശിച്ചിരുന്നു . ക്യാമ്പിലെ ഒമ്പതുപേരുമായിട്ടാണ് മോദി കൂടിക്കാഴ്ച നടത്തിയത്. ദുരന്തത്തിൽ ഉറ്റവരെ നഷ്ടമായവര് അവരുടെ സങ്കടം പ്രധാനമന്ത്രിയോട് പറഞ്ഞു. 25 മിനിട്ടോളം നേരമാണ് പ്രധാനമന്ത്രി ക്യാമ്പിൽ ചിലവഴിച്ചത്. ദുരന്തബാധിതരോട് വാക്കുകള് കേട്ട പ്രധാനമന്ത്രി അവരെ ആശ്വസിപ്പിച്ചു.ദുരന്തബാധിതരോട് വാക്കുകള് കേട്ട പ്രധാനമന്ത്രി അവരെ ആശ്വസിപ്പിച്ചു.ക്യാമ്പുകളില് കഴിയുന്നവരുടെ പ്രതിനിധികളായാണ് ഒമ്പതുപേര് പ്രധാനമന്ത്രിയുമായി സംസാരിച്ചത്.
