ഇതിഹാസമായ രാമായണത്തെ അടിസ്ഥാനമാക്കിയുള്ള ചിത്രം ‘ആദിപുരുഷിന്റെ; ടീസറും ഫസ്റ്റ് ലുക്ക് പോസ്റ്ററും ഒക്ടോബർ രണ്ടിന് അയോദ്ധ്യയിൽ റിലീസ് ചെയ്യാനൊരുങ്ങി സംവിധായകൻ ഓം റൗട്ട്

അയോദ്ധ്യ : ഓം റൗട്ട് സംവിധാനം ചെയ്യുന്ന ചിത്രം ആദിപുരുഷിന്റെ ടീസറും ഫസ്റ്റ് ലുക്ക് പോസ്റ്ററും ഒക്ടോബർ രണ്ടിന് അയോദ്ധ്യയിൽ റിലീസ് ചെയ്യും. പ്രഭാസും സെയ്ഫ് അലി ഖാനും ഒന്നിക്കുന്ന ബിഗ്‌ബജറ്റ് ചിത്രം കൂടിയാണിത്. ചിത്രത്തിന്റെ ലോഞ്ചിനായി മുഴുവൻ അഭിനേതാക്കളും അണിയറപ്രവർത്തകരും അയോദ്ധ്യയിലേക്ക് പോകുമെന്നാണ് റിപ്പോർട്ട് . പ്രഭാസിനും സെയ്ഫിനും പുറമെ കൃതി സനോൻ, സണ്ണി സിംഗ് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.

പ്രഭാസിന്റെ ആദിപുരുഷ് 2023 ജനുവരി 12 ന് റിലീസിന് ഒരുങ്ങുകയാണ്. ചിത്രം ഒന്നിലധികം ഭാഷകളിൽ തിയേറ്ററുകളിൽ റിലീസ് ചെയ്യും.

സെപ്റ്റംബർ 27 ന് ട്രേഡ് അനലിസ്റ്റ് തരൺ ആദർശ് ആദിപുരുഷിന്റെ ടീസറിന്റെയും ഫസ്റ്റ് ലുക്ക് പോസ്റ്റർ റിലീസ് തീയതിയും പ്രഖ്യാപിച്ചു.

ഇതിഹാസമായ രാമായണത്തെ അടിസ്ഥാനമാക്കിയുള്ള പുരാണ ചിത്രമാണ് ആദിപുരുഷ്. ഓം റൗത്ത് സംവിധാനം ചെയ്യുന്ന ചിത്രത്തിൽ പ്രഭാസ് ശ്രീരാമനായും സെയ്ഫ് അലി ഖാൻ രാവണനായുമാണ് എത്തുന്നത്. ഏകദേശം 500 കോടിയുടെ ബഡ്ജറ്റിൽ നിർമ്മിച്ച ആദിപുരുഷ് സംക്രാന്തിക്ക് മുന്നോടിയായി 2023 ജനുവരി 12 ന് റിലീസ് ചെയ്യും.

കോവിഡ് -19 കാരണം ആദിപുരുഷിന്റെ റിലീസ് തീയതി പലതവണ മാറ്റിവെച്ചിരുന്നു. 2023ൽ ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ആദിപുരുഷ്.