കോൺഗ്രസുകാർ പരസ്പരം പറയുന്നത് ചർച്ചയാക്കാൻ ഇടവരുത്തരുത് ;എന്ത് പറയാനുണ്ടെങ്കിലും പാർട്ടിയിലാണ് പറയേണ്ടത്,തരൂരിനെ പരോക്ഷമായി വിമർശിച്ച് കെസി വേണുഗോപാൽ

തിരുവനന്തപുരം :ശശി തരൂരിനെ പരോക്ഷമായി വിമർശിച്ച് എഐസിസി ജനറൽ സെക്രട്ടറി കെ സി വേണുഗോപാൽ. കോൺഗ്രസുകാർ പരസ്പരം പറയുന്നത് ചർച്ചയാക്കാൻ ഇടവരുത്തരുതെന്നും എന്ത് പറയാനുണ്ടെങ്കിലും പാർട്ടിയിലാണ് പറയേണ്ടതെന്നും കെസി വേണുഗോപാൽ പറഞ്ഞു. എന്തൊക്കെ പുറത്തു പറയണം പറയേണ്ട എന്ന് നേതാക്കൾ തന്നെ ചിന്തിക്കണമെന്നും കെസി വേണുഗോപാൽ പറഞ്ഞു.

പാർട്ടിയിൽ തന്നെ ഒത്തൊരുമ ഇല്ലാത്തതും പരസ്പരമുള്ള പോരുമാണ് പാർട്ടിയുടെ പിളർപ്പിന് കാരണമാകുന്നതെന്നും കെ സി വേണുഗോപാൽ വ്യക്തമാക്കി.