പെൺമക്കളുടെ രക്ഷകർത്താക്കൾക്ക് സർക്കാർ ഒരു തോക്ക് കൂടി അനുവദിക്കണമെന്ന് അഖിൽ മാരാർ !

ആലുവയിൽ അഞ്ചുവയസ്സുകാരിയെ ക്രൂരമായി കൊലപ്പെടുത്തിയ സംഭവത്തിൽ പ്രതികരണവുമായി പ്രമുഖരടക്കം രംഗത്തെത്തിയിരിക്കുകയാണ്. സിനിമാ മേഖലയിൽ നിന്ന് ഹരീഷ് പേരടിയും വിവേക് ഗോപനും ഉണ്ണി മുകുന്ദനുമടക്കമുള്ള താരങ്ങൾ രോക്ഷം പ്രകടിപ്പിച്ചിരുന്നു. ഇക്കൂട്ടത്തിൽ ഇപ്പോൾ സംവിധായകൻ അഖിൽ മാരാർ പങ്കുവച്ച ഒരു വീഡിയോയാണ് ശ്രദ്ധേയമാകുന്നത്.

ഒരു കുഞ്ഞിന്റെ മരണത്തിൽ എന്ത് ന്യായീകരണമാണ് സർക്കാരും ഉദ്യോഗസ്ഥരും നൽകാൻ പോകുന്നത് ? പെൺമക്കളുള്ള എല്ലാ രക്ഷകർത്താക്കൾക്കും സർക്കാർ ഒരു തോക്ക് കൂടി അനുവദിക്കണമെന്ന് അഖിൽ മാരാർ പറയുന്നു. പെൺകുഞ്ഞുങ്ങളെ വളർത്താൻ മാതാപിതാക്കൾക്ക് ഭയമായിരിക്കുന്നു എന്നും സ്‌കൂളിൽ പോകുന്ന കുട്ടികൾ കൃത്യസമയത്ത് തിരിച്ച് വന്നില്ലെങ്കിൽ എല്ലാ രക്ഷിതാക്കളുടെയും ഉള്ളിൽ ആധി ഉണ്ടാക്കുന്ന അവസ്ഥയിലൂടെ കേരളം കടന്ന് പോകാൻ പാടില്ലെന്നും അഖിൽ മാരാർ പറയുന്നു. ഇതുവല്ല ഉത്തർപ്രദേശിലോ ബീഹാറിലോ മധ്യപ്രദേശിലോ മറ്റേതെങ്കിലും ഒരു സ്ഥലത്തോ ആയിരുന്നെങ്കിൽ ഇവിടുത്തെ സാംസ്‌കാരിക പുരോഗമനവാദികൾ മുഴുവനും ഇറങ്ങിയേനെ. പക്ഷെ ഇവിടെ ആരും ഇറങ്ങില്ല. കാരണം മരിച്ചത് ഒരു മലയാളി പെൺകുട്ടി അല്ലല്ലോ എന്നും അഖിൽ മാരാർ പറയുന്നു. ഇത്തരം സംഭവങ്ങൾ ആവർത്തിക്കാതിരിക്കാൻ ഒരോ ക്രിമിനലിന്റെ ഉള്ളിലും ഭയം സൃഷ്ടിക്കണമെന്നും ആ ഭയമാണ് നമ്മുടെ പ്രതിഷേധമെന്നും അഖിൽ മാരാർ സോഷ്യൽ മീഡിയയിൽ പങ്കുവെച്ച വിഡിയോയിൽ പറയുന്നു.