വിളപ്പില്: ജൈവവൈവിധ്യങ്ങളുടെ കലവറ എന്നതിലുപരി പെണ്പരമ്പര കാക്കുന്നുവെന്ന അപൂര്വതയുമുണ്ട് അക്കരവിളാകം കാവിന്. രാജഭരണ കാലത്ത് കരം ഒഴിവാക്കി കൊടുത്ത 28.5 സെന്റിലാണ് നിബിഡ വനത്തിന്റെ പ്രതീതി സമ്മാനിച്ച് കാവ് നിലനില്ക്കുന്നത്. അക്കരവിളാകം കാവ് വിശ്വാസവും ഭക്തിയും ഇഴപിരിയാതെ ശേഷിക്കുന്ന ചുരുക്കം ചില കാവുകളിലൊന്നാണ്. തലമുറകള്ക്കായി കാക്കാന് സ്ത്രീകളെ കാരണവര് സ്ഥാനത്തേറ്റുന്നതാണ് ഇവിടുത്തെ പൈതൃകം.
നൂറ്റാണ്ടുകളുടെ പെണ്ചരിതം അവകാശപ്പെടുന്ന വെള്ളനാട് വെളിയന്നൂര് അക്കരവിളാകം കാവിന്റെ ഇപ്പോഴത്തെ കാരണവര് ഓമനയമ്മ (86) ആണ്. 1984 ല് കുഞ്ഞിലക്ഷ്മിയമ്മ പാര്വതിയമ്മ മരിച്ചതോടെയാണ് അക്കരവിളാകം തറവാട്ടിലെ സ്ത്രീകളില് മുതിര്ന്ന ഓമനയമ്മയ്ക്ക് കാരണവര് സ്ഥാനം കിട്ടിയത്. നൂറുവര്ഷം മുന്പ് ഓമനയമ്മയുടെ അച്ഛന് വൈദ്യര് കൃഷ്ണപിള്ള നാഗത്താന് കാവില് ഔഷധ സസ്യങ്ങള് നട്ടുനനച്ചു. അതോടെ അക്കരവിളാകം കാവ് ഔഷധ സസ്യങ്ങളുടേയും ഉദ്യാനമായി.
പെരുമ്പള്ളിമൂഴി, താഴത്തുവീട്, അക്കരവിളാകം എന്നിങ്ങനെ മൂന്ന് കുടുംബങ്ങള്ക്ക് 300 വര്ഷം മുന്പ് ഭണ്ഡാര വകയായി വന്നുചേര്ന്നതാണ് 50 ഏക്കര് ഭൂമി. കൂട്ടുകുടുംബമായാണ് ഇവര് വെളിയന്നൂരിലെ തറവാട്ടില് പാര്ത്തിരുന്നത്.
അക്കരവിളാകം കുടുംബത്തിന്റെ ഓഹരിയിലാണ് കാവും കുളവും വന്നത്. കാവു തീണ്ടരുതെന്ന പൂര്വികരുടെ ഓര്മ്മപ്പെടുത്തല് അവര് മറന്നില്ല. കുടുംബത്തിലെ തലമൂത്ത പെണ്കുട്ടികള്ക്ക് കൈമാറി കാവിനെ കാക്കണമെന്ന ആചാരം അലിഖിത നിയമമാക്കി. ഇന്നും അത് തെറ്റാതെ പിന്തുടരുകയാണ് അക്കരവിളാകത്തുകാര്.
ഇരുപതില്പ്പരം ഇനങ്ങളിലുള്ള പക്ഷികളും അത്രത്തോളം ശലഭ ജീവികളും ഈ കാവില് വസിക്കുന്നുണ്ടെന്ന് കാരണവര് ഓമനയമ്മ പറയുന്നു.
2013 ല് വനം വകുപ്പ് കാവ് സംരക്ഷണ പദ്ധതിയില് അക്കരവിളാകം കാവിനെ ഉള്പ്പെടുത്തി. വര്ഷം തോറും വനം വകുപ്പ് 20,000 രൂപ കാവിന്റെ സംരക്ഷണത്തിനായി കാരണവര്ക്ക് നല്കുന്നുണ്ട്. തലമുറ കൈമാറിയ കാരണവര് സ്ഥാനം ദൈവ നിയോഗമാണ് അക്കരവിളാകത്തെ അമ്മമാര്ക്ക്.
രാജസ്ഥാനിലെ ജെയ്പൂരിൽ പ്രമുഖ ബേക്കറിയും കഫേയും നടത്തിവന്നിരുന്ന മയങ്ക് ഗോപാലിയ എന്ന യുവാവ് ക്രൂരമായ ആക്രമണത്തിനൊടുവിൽ മരണത്തിന് കീഴടങ്ങിയത് നഗരത്തിൽ…
എണ്ണ ഇറക്കുമതിക്കായി വലിയ തോതിൽ വിദേശ രാജ്യങ്ങളെ ആശ്രയിക്കുന്ന ഭാരതം നിർണ്ണായകമായ ഊർജ്ജ സ്വയംപര്യാപ്തതയിലേക്കും വൻകിട എണ്ണ വിപ്ലവത്തിലേക്കും ചുവടുവെക്കുന്നതായി…
സമുദ്രതീര സുരക്ഷ കൂടുതൽ ശക്തമാക്കുന്നതിന്റെ ഭാഗമായി ഇന്ത്യൻ നാവികസേനയുടെ പക്കലുള്ള 'ബരാക്' പ്രതിരോധ മിസൈൽ സംവിധാനം നവീകരിക്കുന്നതിനായി ഇസ്രായേൽ എയ്റോസ്പേസ്…
ഇറാനുമായുള്ള സംഘർഷത്തിനിടയിൽ കൃത്യതയാർന്ന ആയുധങ്ങളുടെ ലഭ്യതക്കുറവ് രൂക്ഷമായതിനെത്തുടർന്ന്, അമേരിക്കൻ നാവികസേന കാലാവധി കഴിഞ്ഞ ടോമഹോക് (Tomahawk) ക്രൂയിസ് മിസൈലുകൾ പുനരുപയോഗിച്ചെന്ന…
ആർ.എസ്.എസ്. പ്രവർത്തകനായിരുന്ന മണ്ണന്തല രഞ്ജിത്തിനെ ക്രൂരമായി വെട്ടിക്കൊലപ്പെടുത്തിയ കേസിൽ 18 വർഷങ്ങൾക്കിപ്പുറം തിരുവനന്തപുരം അഡീഷണൽ സെഷൻസ് കോടതി ചരിത്രപരമായ ശിക്ഷാവിധി…
ദേശീയ അധ്യാപക പരിഷത്തും മയിൽപ്പീലി മാഗസിനും സംയുക്തമായി നടത്തിവരുന്ന മയിൽപ്പീലി സ്കോളർഷിപ്പ് പരീക്ഷയുടെ സഹകരണത്തിൽ നിന്നും സർക്കാർ പിന്മാറിയത് ആയിരക്കണക്കിന്…