ഇന്ത്യയാണ് എനിക്ക് എല്ലാം ; ഞാൻ സമ്പാദിച്ചതെല്ലാം ഇവിടെ നിന്നാണ്, കനേഡിയൻ പൗരത്വം ഉപേക്ഷിക്കുകയാണെന്ന് വ്യക്തമാക്കി അക്ഷയ് കുമാർ

കഴിഞ്ഞ കുറച്ച് വര്‍ഷങ്ങളായി അക്ഷയ്കുമാറിന്റെ കനേഡിയൻ പൗരത്വമായി ബന്ധപ്പെട്ട് നിരവധി വാർത്തകൾ ഉയരുന്നുണ്ട്. അതേസമയം അദ്ദേഹത്തിന്റെ ആരാധകരുടെ എണ്ണം വളരെ വേഗത്തില്‍ വര്‍ദ്ധിച്ചുകൊണ്ടിരിക്കുകയാണ് .കനേഡിയൻ പൗരത്വത്തെച്ചൊല്ലി അക്ഷയ് കുമാർ പലപ്പോഴും വിമർശനങ്ങൾ നേരിടാറുണ്ട്. താൻ കനേഡിയൻ പാസ്‌പോർട്ട് ഉപേക്ഷിക്കുകയാണ് എന്ന് വെളിപ്പെടുത്തിയിരിക്കുകയാണ് നടനിപ്പോൾ.

ഇന്ത്യയാണ് തനിക്ക് എല്ലാം, ഇതിനകം പാസ്‌പോർട്ട് മാറ്റത്തിന് അപേക്ഷിച്ചിട്ടുണ്ടെന്നും അക്ഷയ് കുമാർ പറഞ്ഞു.’ഇന്ത്യയാണ് എനിക്ക് എല്ലാം. ഞാൻ സമ്പാദിച്ചതെല്ലാം ഇവിടെ നിന്നാണ്. തിരികെ നൽകാനുള്ള അവസരം ലഭിച്ചതിൽ ഞാൻ ഭാഗ്യവാനാണ്. ആളുകൾ ഒന്നും അറിയാതെ കാര്യങ്ങൾ പറയുമ്പോൾ വിഷമം തോന്നും’, 1990-കളിൽ തന്റെ കരിയർ മോശം അവസ്ഥയിലൂടെയാണ് പോയത്. 15 ഓളം സിനിമകളാണ് ഈ കാലയളവിൽ തിയേറ്ററുകളിൽ പരാജയം നേരിട്ടത്. അദ്ദേഹത്തിന്റെ സിനിമകളുടെ മോശം ബോക്സ് ഓഫീസ് പ്രകടനമാണ് കനേഡിയൻ പൗരത്വത്തിന് അപേക്ഷിക്കാൻ അദ്ദേഹത്തെ പ്രേരിപ്പിച്ചത് എന്നും നടൻ വ്യക്തമാക്കി.