മോദിയുടെ രണ്ടാമൂഴത്തിൽ അമിത് ഷായും; സത്യപ്രതിജ്ഞ അൽപ്പസമയത്തിനകം

ദില്ല: ബിജെപി അധ്യക്ഷൻ അമിത് ഷാ രണ്ടാം മോദി മന്ത്രിസഭയിൽ ഉൾപ്പെടുമെന്ന് ഉറപ്പായി. ബിജെപി ഗുജറാത്ത് അധ്യക്ഷൻ ജിത്തു വഘാനി തന്റെ ട്വീറ്ററിലൂടെയാണ് ഇക്കാര്യം പുറത്തുവിട്ടത്. അ​മി​ത് ഷാ മോ​ദി മ​ന്ത്രി​സ​ഭ​യി​ലെ ​ധന മന്ത്രിയാകുമെന്നാണ് ദേശീയ മാധ്യമങ്ങൾ നൽകുന്ന സൂചന.

കേ​ര​ള​ത്തി​ൽ​നി​ന്ന് വി. ​മു​ര​ളീ​ധ​രനും എസ് ജയശങ്കറും ​ മ​ന്ത്രി​യാ​കും. നിലവിൽ രാജ്യസഭാംഗമാണ് മുരളീധരൻ. എസ് ജയശങ്കർ മുൻ ഐ എഫ് എസ് ഉദ്യോഗസ്ഥനാണ്. കൂ​ടാ​തെ സു​ഷ​മ സ്വ​രാ​ജ്, നി​ർ​മ​ല സീ​താ​രാ​മ​ൻ, സ്മൃ​തി ഇ​റാ​നി, രാ​ജ്നാ​ഥ് സിം​ഗ്, നി​തി​ൻ ഗ​ഡ്ക​രി, ധ​ർ​മേ​ന്ത്ര പ്ര​ധാ​ൻ, ഡോ. ​ഹ​ർ‌​ഷ​വ​ർ​ധ​ൻ, കൃ​ഷ്ണ​ൻ പാ​ൽ ഗു​ർ​ജാ​ർ, ശ്രീ​പാ​ദ് നാ​യി​ക്, ന​രേ​ന്ദ്ര സിം​ഗ് തോ​മ​ർ, സു​രേ​ഷ് പ്ര​ഭു, റാ​വു ഇ​ന്ദ്ര​ജി​ത് സിം​ഗ്, വി.​കെ സിം​ഗ്, സ​ദാ​ന​ന്ദ ഗൗ​ഡ, അ​ർ​ജു​ൻ മേ​ഘ്‌​വാ​ൾ, കി​ര​ൺ റി​ജി​ജു, ര​വി​ശ​ങ്ക​ർ പ്ര​സാ​ദ്, പീ​യൂ​ഷ് ഗോ​യ​ൽ, പ്ര​കാ​ശ് ജാ​വ​ദേ​ക്ക​ർ, രാം​ദാ​സ് അ​ത്‌​വാ​ലെ, ജി​തേ​ന്ദ​ർ സിം​ഗ്, സു​രേ​ഷ് അം​ഗാ​ഡി, ബാ​ബു​ൾ സു​പ്രി​യോ, കൈ​ലാ​ഷ് ചൗ​ധ​രി, പ്ര​ഹ്ലാ​ദ് ജോ​ഷി, ജി. ​കി​ഷ​ൻ റെ​ഡ്ഡി എ​ന്നി​വ​രും പു​തി​യ മ​ന്ത്രി​സ​ഭ​യി​ലു​ണ്ടാ​കും.

രാഷ്ട്രപതിഭവന്റെ ചരിത്രത്തിലെ ഏറ്റവും വലിയ ചടങ്ങിന് സാക്ഷിയാകാൻ ക്ഷണം ലഭിച്ച വിദേശരാഷ്ട്രത്തലവൻമാർ ഡൽഹിയിലെത്തി. എണ്ണായിരത്തോളം പേരാണ് സത്യപ്രതിജ്ഞാ ചടങ്ങിൽ പങ്കെടുക്കുന്നത്. ഒന്നര മണിക്കൂറോളം ദൈർഖ്യമുള്ള ചടങ്ങിൽ ഡൽഹി പൊലീസിലെയും അർധസൈനിക വിഭാഗങ്ങളിലെയും 10000 ഉദ്യോഗസ്ഥരെയാണു സുരക്ഷയ്ക്ക് നിയോഗിച്ചിട്ടുള്ളത്. സത്യപ്രതിജ്ഞയ്ക്കു മുൻപായി മോദി, രാഷ്ട്രപിതാവ് മഹാത്മാ ഗാന്ധി, മുൻ പ്രധാനമന്ത്രി അടൽ ബിഹാരി വാജ്പേയി എന്നിവർക്കും രാജ്യത്തിനായി ജീവൻ ബലിയർപ്പിച്ച വീരജവാന്മാരുടെ സ്മാരകത്തിലും ആദരാഞ്ജലികൾ അർപ്പിച്ചു.